AQSh memlekettik departamenti jáne aýrýdy baqylaý jáne aldyn alý jónindegi ortalyq (CDC) AQSh azamattaryna koronavirýstyń ýshyǵýyna bailanysty Ispaniia, Portýgaliia, Kipr jáne Qyrǵyzstanǵa barmaýǵa keńes berdi, dep habarlaidy Azattyq.
CDC bul memleketterdi tórtinshi deńgeidegi elder qataryna qosyp, amerikalyqtarǵa ol jaqqa barý qaýipti ekenin eskertken. AQSh memlekettik departamenti arnaiy nusqaýlyq ta shyǵarǵan.
CDC men memlekettik departament Armeniiany úshinshi deńgeidegi elder tizimine qosyp, vaktsina almaǵandar ázirge bul elge sapardan bas tartqany jón dedi.
Memlekettik departament sonymen birge týristerge Vengriiaǵa barmas buryn sheshimdi pysyqtap alǵan durys deidi. Ýkrainaǵa barǵan amerikalyqtar saqtyq sharalaryn qatań ustanýy tiis dep sanaidy.
Maýsym aiynda CDC 110-nan astam memleketke barý erejelerin jumsartqan, biraq koronavirýstyń órshýine bailanysty jańadan eskertýler jasap otyr.
Sońǵy ret eskertý 26 shildede jariialandy. Sol kúni AQSh ardagerler isi jónindegi ministrlik (AQSh úkimetiniń atqarý departamenti) meditsinalyq qyzmetkerlerin koronavirýsqa qarsy vaktsina salýǵa mindettedi. Bul vaktsinalaýdy mindettegen alǵashqy iri federaldyq agenttik. 115 myń meditsina qyzmetkerine vaktsina saldyrý úshin 8 apta ýaqyt berildi. Ekpe alýdan bas tartqandar jazalana ma, joq pa, ol jaǵy belgisiz.
