Amerikalyq jetekshi sarapshylar Memleket basshysy Qasym-Jomart Toqaevtyń Prezident laýazymdaǵy 1 jyldyq qyzmetine joǵary baǵalaryn berdi, dep habarlaidy QazAqparat.
Atap aitqanda, Halyqaralyq salyq jáne investitsiialar ortalyǵynyń ortalyǵynyń prezidenti Daniel Vitt Memleket basshysy Qasym-Jomart Toqaev pen Qazaqstan halqyn ekinshi el Prezident sailaýynyń 1 jyldyǵymen quttyqtady.
«Men úshin osynaý tarihi sailaýǵa táýelsiz baiqaýshy retinde qatysý zor márte ári úlken jaýapkershilik boldy. Bul sizderdiń respýblikalaryńyzdyń demokratiia jáne saiasi túrlený jolyndaǵy taǵy bir qadamy edi. Sizderdiń saiasi jáne memlekettik basqarý júiedegi reformalaryńyz Qazaqstandyǵy demokrtatiia bolashaǵy qurylysynyń kirpishi sanalady», - dedi ol.
Amerikalyq tarihshy, ekonomist, halyqaralyq qatynastar jáne áskeri strategiiajónindegi maman Edvard Liýttvak Qasym-Jomart Kemelulyna joǵary bilimdi, eńbekqor, ádil, saiasatker retindegi mansab jolyn ózi qalyptastyrǵan saiasi tulǵa dep baǵa beredi.
«Prezident Toqaevty uly mádenietti adamy retinde quttyqtaityndyǵyma qýanyshtymyn», - dedi amerikalyq tarihshy.
Amerikalyq saiasattanýshy árijýrnalist, qaýipsizdik salasyndaǵy halyqaralyq qatynastar boiynsha maman Ariel Koenda Qazaqstan Prezidentiniń 1 jylda atqarǵan jumystaryna joǵary baǵa beredi.
«Memleket basshysy Qasym-Jomart Toqaev COVID pen ekonomikalyq daǵdarys problemaǵa toly dáýirde burynǵy Prezident negizin qalaǵan eń mańyzdy bilik tranzitin tabysty júzege asyryp otyr. Memleket damýynyń jańa vektory qoǵam ideologiiasymen, pikir alýandyǵymen jáne kózaras san túrligimen astasyp jatyr. Elge memlekettiktińbarlyq murasyn jete túsinetin, Qazaqstanda odan ary damytýda túbegeili paiymy bar kóshbasshy basqaryp otyr», dedi ol.
Ortalyq Aziia jáne kavkaz institýtynyń negizin qalaýshy jáne tóraǵasy, AQSh-tyń úsh Prezidentiniń Resei jáne Eýraziia boiynsha keńesshisi bolǵan Frederik Starr Qazaqstan Prezidentine strategiialyq oishyl degen baǵa beredi.
«Prezident Toqaev tiimdi memleket jaiynda sóz qozǵap, ózisin ádil ári durys atqaryp jatyr. Óte tájiribeli, tildi jetik biledi jáne sheteldegi adamdardy tanidy. Ol aqylǵa qonymsyz jobalarǵa umtylmaidy, ol strategiialyq oishyl. Ol ózeliniń múddesin nyq qorǵaidy. Ol Qazaqstan egemendigin qurmetteidi, baǵalaidy jáne qadir tutady, onyń ORtalyq Aziiadaǵy óte mańyzdy rólin túsinedi. Memleket basshysynyń uzaq jyldar boiy baqytty, tabysty ári ónimdi el basqarýyna tilektespin», - dedi ol.
