Amerikalyq otbasy asyrap alǵan 18 jasar Sara Nait (Sarah Knight) qazaqsha aty-jóni Ásem Asylbekova óziniń biologiialyq anasyn izdep jatyr, dep habarlaidy "Ult aqparat".
«Barshańyzǵa sálem! Meniń esimim Sara jáne men ózimniń biologiialyq anamdy tapqym keledi. Meni Esik qalasyndaǵy balalar úiinen asyrap alǵan. Meniń ákemniń kim ekeni belgisiz, týý týraly kýáligimde de jazylmaǵan. Men 2002 jyly dúniege kelip, 2003 jyly meni asyrap aldy. Ókinishke qarai, shyqqan otbasym týraly az ǵana maǵlumat bilemin. Biologiialyq anamnyń aty-jóni Saida Asylbekova. Meniń týý týraly kýáligimde anam 1980 jyly dúniege kelgen dep jazylǵan. Meniń Saraǵa deiingi esimim Ásem Asylbekova. Anama qatysty qandai da bir aqparat bilseńizder maǵan habarlasýlaryńyzdy suraimyn. Biologiialyq anammen kezdesýdi asyǵa kútemin», - dep jazdy Sara Nait Facebook-tegi Kazakh American Association (Qazaqstandyq-amerikalyq qaýymdastyq) pabliginde.
Sondai-aq, boijetken óz jazbasynda tanyp qalýy múmkin degen nietpen Farida Asylbekova, Aidar Asylbekov jáne Saida Asylbekova esimdi azamattarǵa suraý salady.
