Koronavirýsqa qarsy vaktsina ázirlegen Amerikanyń Novavax dári-dármek kompaniiasy klinikalyq synaqtyń úshinshi kezeńiniń nátijesin jariialady. Eki dozalyq vaktsinanyń tiimdiligi – 90,4 paiyz. Synaqqa AQSh pen Meksikadan shamamen 30 myń erikti qatysqan.
Aqparatqa qaraǵanda, synaqqa qatysqandardyń eshbiriniń koronavirýs aýrýy ýshyqpaǵan. Mamandar vaktsina sonymen birge koronavirýstyń jańa shtamdarymen tiimdi kúresetinin aityp otyr.
Novavax aldaǵy úsh ai ishinde vaktsinany AQSh-ta paidalaný týraly ótinish túsiredi. Qazir AQSh-ta Pfizer/BioNTech, Moderna jáne Johnson & Johnson kompaniialarynyń koronavirýsqa qarsy vaktsinalary paidalanylyp jatyr.
AQSh-ta 140 mln adamǵa (halyqtyń 40 paiyzy) koronavirýsqa qarsy vaktsina egilgen. NBC telearnasynyń habarlaýynsha, vaktsina tapshylyǵyn sezinbeitin AQSh Novavax vaktsinasyn ózge elderge de tegin usyna alady.
Qazir Reseide otandyq tórt vaktsina maquldanǵan. Birde-bir sheteldik ekpeni paidalanýǵa ruqsat berilmegen. Alaida Dúniejúzilik densaýlyq saqtaý uiymy reseilik vaktsinalardyń eshqaisysyn resmi túrde maquldamaǵan. Soǵan qaramastan "Spýtnik V" vaktsinasy ondaǵan elge tasymaldanǵan. (Eýroodaqta eki memleket: Vengriia men Slovakiia qoldanady). Sońǵy ýaqytta Resei biligi elde vaktsinalaý naýqany baiaý júrip jatqanyn moiyndap keledi. Al AQSh pen Eýroodaqta koronavirýs juqtyrǵandar azaiyp jatyr. Reseide sońǵy aptada naýqastar qaitadan kóbeie bastaǵan.
