كوروناۆيرۋسقا قارسى ۆاكتسينا ەزٸرلەگەن امەريكانىڭ Novavax دەرٸ-دەرمەك كومپانيياسى كلينيكالىق سىناقتىڭ ٷشٸنشٸ كەزەڭٸنٸڭ نەتيجەسٸن جارييالادى. ەكٸ دوزالىق ۆاكتسينانىڭ تيٸمدٸلٸگٸ – 90,4 پايىز. سىناققا اقش پەن مەكسيكادان شامامەن 30 مىڭ ەرٸكتٸ قاتىسقان.
اقپاراتقا قاراعاندا, سىناققا قاتىسقانداردىڭ ەشبٸرٸنٸڭ كوروناۆيرۋس اۋرۋى ۋشىقپاعان. ماماندار ۆاكتسينا سونىمەن بٸرگە كوروناۆيرۋستىڭ جاڭا شتامدارىمەن تيٸمدٸ كٷرەسەتٸنٸن ايتىپ وتىر.
Novavax الداعى ٷش اي ٸشٸندە ۆاكتسينانى اقش-تا پايدالانۋ تۋرالى ٶتٸنٸش تٷسٸرەدٸ. قازٸر اقش-تا Pfizer/BioNTech, Moderna جەنە Johnson & Johnson كومپانييالارىنىڭ كوروناۆيرۋسقا قارسى ۆاكتسينالارى پايدالانىلىپ جاتىر.
اقش-تا 140 ملن ادامعا (حالىقتىڭ 40 پايىزى) كوروناۆيرۋسقا قارسى ۆاكتسينا ەگٸلگەن. NBC تەلەارناسىنىڭ حابارلاۋىنشا, ۆاكتسينا تاپشىلىعىن سەزٸنبەيتٸن اقش Novavax ۆاكتسيناسىن ٶزگە ەلدەرگە دە تەگٸن ۇسىنا الادى.
قازٸر رەسەيدە وتاندىق تٶرت ۆاكتسينا ماقۇلدانعان. بٸردە-بٸر شەتەلدٸك ەكپەنٸ پايدالانۋعا رۇقسات بەرٸلمەگەن. الايدا دٷنيەجٷزٸلٸك دەنساۋلىق ساقتاۋ ۇيىمى رەسەيلٸك ۆاكتسينالاردىڭ ەشقايسىسىن رەسمي تٷردە ماقۇلداماعان. سوعان قاراماستان "سپۋتنيك V" ۆاكتسيناسى ونداعان ەلگە تاسىمالدانعان. (ەۋرووداقتا ەكٸ مەملەكەت: ۆەنگرييا مەن سلوۆاكييا قولدانادى). سوڭعى ۋاقىتتا رەسەي بيلٸگٸ ەلدە ۆاكتسينالاۋ ناۋقانى باياۋ جٷرٸپ جاتقانىن مويىنداپ كەلەدٸ. ال اقش پەن ەۋرووداقتا كوروناۆيرۋس جۇقتىرعاندار ازايىپ جاتىر. رەسەيدە سوڭعى اپتادا ناۋقاستار قايتادان كٶبەيە باستاعان.
