25 naýryzda 460,1 million AQSh dollary somasyna "Big Sky Energy Corporation" ("Big Sky") munai kompaniiasy bergen talap aryz boiynsha Qazaqstan Respýblikasynyń paidasyna shyǵarylǵan tórelik sheshim kúshine endi, - dep habarlaidy "Ult aqparat" Ádilet ministrliginiń baspasóz qyzmetine silteme jasap.
Budan buryn habarlanǵandai, Investitsiialyq daýlardy retteý jónindegi halyqaralyq ortalyqtyń tribýnaly Big Sky munai kompaniiasynyń Qazaqstan Respýblikasyna qarsy barlyq talaptary boiynsha bas tartyp, qorǵaýǵa jumsalǵan tórelik shyǵyndar úshin Qazaqstan Respýblikasyna shamamen 575 myń AQSh dollary kóleminde ótemaqy tóleý týraly sheshim shyǵarǵan bolatyn.
Apelliatsiianyń merzimi 2022 jyldyń 24 naýryzynda aiaqtalǵanyn jáne Big Sky osy sheshimniń kúshin joiý týraly ótinish bildirmegenin eskere otyryp, tórelik endi aiaqtaldy dep sanalady.
Tórelik protsess barysynda Big Sky kompaniiasy Qazaqstan Respýblikasynan memleketpen bailanysy joq úshinshi tulǵalarmen jeke kelisimsharttardy oryndaýǵa bailanysty 460,1 million AQSh dollary somasynda eleýli zalaldy óndirip alýǵa tyrysty. Bul rette Big Sky Qazaqstan Respýblikasy men AQSh arasynda jasalǵan investitsiialyq kelisimniń ("Kelisim") erejelerin buzý oryn alǵan boljamdarǵa negizdele otyryp, memleketten zalaldy óndirip alýǵa tyrysty.
Qazaqstan Respýblikasy tribýnalǵa Kelisimniń erejelerin buzbaǵanyn jáne barlyq talap qoiý talaptary boiynsha bas tartylýǵa tiis ekenin anyq kórsetti.
Osy iste Qazaqstan Respýblikasynyń múddelerin Qazaqstan Respýblikasynyń Ádilet ministrligi "Reed Smith LLP" zań firmasymen birlesip sátti qorǵady.
Bul sheshimge túsinikteme bere otyryp, Ádilet ministri Qanat Mýsin:
"Tórelik tribýnaldyń sheshimi Qazaqstan Respýblikasynyń negizdelgen ustanymyn tolyq rastaidy. Qazaqstan Respýblikasynyń osy jáne basqa da tabystary tórelik talqylaýlarda memlekettiń múddelerin qorǵaý jónindegi tiimdi strategiiany qamtamasyz etý boiynsha uzaq jyldar boiy jinaqtalǵan aýqymdy tájiribeni kýálandyrady. Big Sky áli kúnge deiin Qazaqstan Respýblikasyna oǵan berilgen, memlekettik biýdjetke aýdarylýy tiis shyǵystardy tólemegen. Qazaqstan Respýblikasy shyǵystardyń ótemin berý jónindegi sheshimdi oryndaý jóninde tiisti qadamdar jasaidy. Ádilet ministrligi tiisti quqyqtyq tetikterdi paidalana otyryp, sheteldik tórelikterde memlekettiń múddelerin bildirý jónindegi jumysty jalǵastyrady" - delingen habarlamada.
