Syrtqy ister ministrliginiń burynǵy qyzmetkeri Amerikaǵa jumys baby boiynsha baryp, nemis tártip saqshysynan jynystyq qysym kórgen, - dep habarlaidy Exclusive basylymyna silteme jasaǵan NUR.KZ.
Aida Aljanova 2012 jyly Amerikada bolǵan prezident sailaýyna baqylaýshy retinde attanady. Árbir memleketten kelgen qyzmetkerlerdiń birigip jumys isteýi maqsatynda, qazaqstandyq Aida Aljanovany Germaniia ókilimen biriktiriledi.
Niý-Meksiko shtatyna jiberilgen eki el baqylaýshysy birden til tabysa almaǵan. Sebep – nemis politseiiniń otandasymyzǵa birinshi kúnnen bastap kórsete bastaǵan jynystyq qysymy.
Bastapqyda mádeniet ózgesheligi bolar degen tujyrym jasaǵan qazaqstandyq baqylaýshy áriptesiniń qushaqtaýy men qaita-qaita tise berýin jynystyq qatynasqa itermelep turǵanyna naqty kózi jetken.
Onyń qalaýynsha jaýap bermegen Aidaǵa nemis baqylaýshysy diplomat áieldi "jái politsiia qyzmetkerimen qarym-qatynasta bolýdan namystanasyń" dep aiyptaidy.
Artynan ashýǵa boi aldyryp, aidap bara jatqan kólikpen jol apatyna ushyrai jazdap, qazaqstandyq syrtqy ister qyzmetkeriniń ómirine qaýip keltirgen.
Bolǵan jaitty amerikalyq OBSE bólimshesine jetkizgende, olar máseleni tez arada sheshetinderine sendirgen. Alaida, úsh kún boiy bólmesinen shyqpai otyrǵan Aida Aljanovany bólimsheniń jasaǵan áreketteri odan beter tańǵaldyrdy.
Onyń aitýynsha, kináli adamdy aýystyrýdyń ornyna qazaqstandyq baqylaýshyny Amerikanyń soltústigindegi shtatqa aýystyryp jiberipti. Tek jyly kiim alyp kelgen qyzmetker shyǵynǵa ushyrap, qalyń kiim alýǵa májbúr bolǵan.
Bóten elde qorlyq kórip, otanyna oralǵan Aida Aljanovaǵa munda da "shý shyǵarmai-aq qoiaiyq" degen keńes beripti. Tipti eń soraqysy, bolǵan oqiǵadan keiin azamatshany OBSE qyzmetterine shaqyrýdy toqtatqan.
Al onyń nemis áriptesi bolsa kerisinshe, barlyq jiyndarda boi kórsetip júrgen kórinedi. 2015 jyly Qazaqstandaǵy sailaýǵa kelýge de dáti jetipti.
Sonshama jyldar boiy qyzmet etken halyqaralyq birlestiginiń mundai áreketterge barǵany Syrtqy ister ministrliginiń burynǵy ókilin qatty renjitse kerek. Uzaq jyldar boiy bul taqyrypta tis jarmaǵan ol endi bárin aitýǵa qolaily ýaqyt kelgenin jetkizdi.
Qazaqstannyń Syrtqy ister ministrliginiń baspasóz qyzmeti Aida Aljanova bergen suhbat mazmunymen tolyǵymen tanysyp shyǵýǵa ýáde etti.
