سىرتقى ٸستەر مينيسترلٸگٸنٸڭ بۇرىنعى قىزمەتكەرٸ امەريكاعا جۇمىس بابى بويىنشا بارىپ, نەمٸس تەرتٸپ ساقشىسىنان جىنىستىق قىسىم كٶرگەن, - دەپ حابارلايدى Exclusive باسىلىمىنا سٸلتەمە جاساعان NUR.KZ.
ايدا الجانوۆا 2012 جىلى امەريكادا بولعان پرەزيدەنت سايلاۋىنا باقىلاۋشى رەتٸندە اتتانادى. ەربٸر مەملەكەتتەن كەلگەن قىزمەتكەرلەردٸڭ بٸرٸگٸپ جۇمىس ٸستەۋٸ ماقساتىندا, قازاقستاندىق ايدا الجانوۆانى گەرمانييا ٶكٸلٸمەن بٸرٸكتٸرٸلەدٸ.
نيۋ-مەكسيكو شتاتىنا جٸبەرٸلگەن ەكٸ ەل باقىلاۋشىسى بٸردەن تٸل تابىسا الماعان. سەبەپ – نەمٸس پوليتسەيٸنٸڭ وتانداسىمىزعا بٸرٸنشٸ كٷننەن باستاپ كٶرسەتە باستاعان جىنىستىق قىسىمى.
باستاپقىدا مەدەنيەت ٶزگەشەلٸگٸ بولار دەگەن تۇجىرىم جاساعان قازاقستاندىق باقىلاۋشى ەرٸپتەسٸنٸڭ قۇشاقتاۋى مەن قايتا-قايتا تيسە بەرۋٸن جىنىستىق قاتىناسقا يتەرمەلەپ تۇرعانىنا ناقتى كٶزٸ جەتكەن.
ونىڭ قالاۋىنشا جاۋاپ بەرمەگەن ايداعا نەمٸس باقىلاۋشىسى ديپلومات ەيەلدٸ "جەي پوليتسييا قىزمەتكەرٸمەن قارىم-قاتىناستا بولۋدان نامىستاناسىڭ" دەپ ايىپتايدى.
ارتىنان اشۋعا بوي الدىرىپ, ايداپ بارا جاتقان كٶلٸكپەن جول اپاتىنا ۇشىراي جازداپ, قازاقستاندىق سىرتقى ٸستەر قىزمەتكەرٸنٸڭ ٶمٸرٸنە قاۋٸپ كەلتٸرگەن.
بولعان جايتتى امەريكالىق وبسە بٶلٸمشەسٸنە جەتكٸزگەندە, ولار مەسەلەنٸ تەز ارادا شەشەتٸندەرٸنە سەندٸرگەن. الايدا, ٷش كٷن بويى بٶلمەسٸنەن شىقپاي وتىرعان ايدا الجانوۆانى بٶلٸمشەنٸڭ جاساعان ەرەكەتتەرٸ ودان بەتەر تاڭعالدىردى.
ونىڭ ايتۋىنشا, كٸنەلٸ ادامدى اۋىستىرۋدىڭ ورنىنا قازاقستاندىق باقىلاۋشىنى امەريكانىڭ سولتٷستٸگٸندەگٸ شتاتقا اۋىستىرىپ جٸبەرٸپتٸ. تەك جىلى كيٸم الىپ كەلگەن قىزمەتكەر شىعىنعا ۇشىراپ, قالىڭ كيٸم الۋعا مەجبٷر بولعان.
بٶتەن ەلدە قورلىق كٶرٸپ, وتانىنا ورالعان ايدا الجانوۆاعا مۇندا دا "شۋ شىعارماي-اق قويايىق" دەگەن كەڭەس بەرٸپتٸ. تٸپتٸ ەڭ سوراقىسى, بولعان وقيعادان كەيٸن ازاماتشانى وبسە قىزمەتتەرٸنە شاقىرۋدى توقتاتقان.
ال ونىڭ نەمٸس ەرٸپتەسٸ بولسا كەرٸسٸنشە, بارلىق جيىنداردا بوي كٶرسەتٸپ جٷرگەن كٶرٸنەدٸ. 2015 جىلى قازاقستانداعى سايلاۋعا كەلۋگە دە دەتٸ جەتٸپتٸ.
سونشاما جىلدار بويى قىزمەت ەتكەن حالىقارالىق بٸرلەستٸگٸنٸڭ مۇنداي ەرەكەتتەرگە بارعانى سىرتقى ٸستەر مينيسترلٸگٸنٸڭ بۇرىنعى ٶكٸلٸن قاتتى رەنجٸتسە كەرەك. ۇزاق جىلدار بويى بۇل تاقىرىپتا تٸس جارماعان ول ەندٸ بەرٸن ايتۋعا قولايلى ۋاقىت كەلگەنٸن جەتكٸزدٸ.
قازاقستاننىڭ سىرتقى ٸستەر مينيسترلٸگٸنٸڭ باسپاسٶز قىزمەتٸ ايدا الجانوۆا بەرگەن سۇحبات مازمۇنىمەن تولىعىمەن تانىسىپ شىعۋعا ۋەدە ەتتٸ.
