Amerikanyń barlaý agenttikteri Ýhandaǵy virýsologiia institýtynda zerttelgen virýs úlgileriniń bazasyna qol jetkizdi. Qujattar virýs zerthanadan tarady degen boljamdy zertteýge múmkindik beredi. Bul týraly jaǵdaidan habary bar qupiia derekkózge súiengen CNN arnasy habarlady, dep jazady Azattyq.
Ýhan virýsologiia institýty – koronavirýsty zertteitin álemdegi sanaýly iri ortalyqtardyń biri. Koronavirýstyń jańa túri dál osy qaladan tarap, indetke ulasqan. Bul eki faktiniń túiisýi aýrý zerthanadan tarady degen teoriianyń paida bolýyna túrtki bolǵan.
CNN-nyń habarlaýynsha, endi Amerikanyń barlaý qyzmetiniń derek qoryn zerttep, boljamdy tekserý múmkindigi bar. Aqparatqa qaraǵanda, 22 myń virýs úlgisi sýperkompiýterlerdiń kómegimen zertteledi.
Barlaý qyzmetine alynǵan derekterdi saraptap, qorytyndy jasai alatyndai bilikti maman qajet. Ol mamannyń qupiia qujattarmen jumys isteý tájiribesi de bolǵany abzal jáne qytai tilin bilýi tiis.
Arna derekkózderi mundai sarapshyny tabý qiyn bolýy múmkin dep boljaidy.
