Elorda ákimi Altai Kólginov emhanalar men aýrýhanalardyń bas dárigerlerimen, qalanyń sanitarlyq dárigerimen onlain keńes ótkizdi, - dep habarlaidy qalalyq ákimdiktiń baspasóz qyzmeti.
Ákim emhanalarda ambýlatoriialyq emdeýdi kúsheitýdi, naýqastardy baqylaý barysynda telemeditsina quraldaryn paidalanýdy jáne tiisti deńgeide jedel kómek kórsetýdi tapsyrdy. Sondai-aq ambýlatoriialyq emdeýdi kúsheitý qajettigin de atap ótti.
«Naýqastardyń 60%-dan astamy emhanalarǵa júginedi. Munda ambýlatoriialyq emdeýdi kúsheitý óte mańyzdy. Aýrýdyń alǵashqy kezeńinde turǵyndarǵa barlyq qajetti meditsinalyq kómek kórsetilýi kerek. Juqpaly aýrýlar statsionary dárigerleri Covid-19-ben kúresýde aitarlyqtai tájiribe jinady. Olar telemeditsinany paidalana otyryp, keńes berip, emhanalardyń meditsinalyq qyzmetkerlerimen tájiribe almasatyn bolady. Ekinshi másele, karantin kezinde josparly emdeýge jatqyzý ýaqytsha toqtatyldy, munda naýqastarmen keri bailanysty kúsheitý kerek. Qajet bolǵan jaǵdaida emdeýge jatqyzǵan jón. Shuǵyl aýrýhanaǵa jatqyzylatyn jaǵdaidy árbir dáriger baqylaýda ustaýy tiis. Úshinshiden, Densaýlyq saqtaý ministrligi men «SK Farmatsiia» birlesip, aýrýhanalar men emhanalardy qajetti meditsinalyq jabdyqtarmen tolyqtyrý boiynsha jumystar júrgizemiz. Qamtamasyz etý máselesi baqylaýda bolady», – dedi elorda ákimi Altai Kólginov.
Qala ákimi atap ótkendei, árbir naýqasqa sapaly meditsinalyq kómek kórsetilýi, aýyr naýqasqa shaldyqqandar erekshe baqylaýda bolýy tiis . Ár naýqastyń ómiri úshin sońyna deiin kúresý qajet.
