«Amazon»-ǵa 746 mln eýro aiyppul salyndy. Eýropalyq qupiialylyqty baqylaý qyzmeti alpaýyt internet dúkende jeke derekterdi óńdeý EO-nyń Derekterdi qorǵaýdyń jalpy erejelerine sáikes kelmeitinin anyqtady, dep habarlady Euronews.
Aiyppuldy eki apta buryn «Amazon»-nyń eýropalyq shtab-páteri ornalasqan Liýksembýrg ulttyq derekterdi qorǵaý komissiiasy salǵan. Kompaniia aiyptaýdy joqqa shyǵarady jáne shaǵymdanatynyn málimdedi.
Aita keteiik, Eýropadaǵy derekterdi qorǵaýdy qadaǵalaý organdary kompaniiaǵa olardyń jyldyq jahandyq satylymynyń 4%-yna deiin aiyppul salýǵa quqyly.
Eske sala keteiik, ótken jyldyń jeltoqsan aiynda frantsýz informatika jáne azamattyq bostandyqtar komissiiasy «Amazon»-ǵa paidalanýshylardyń jeke aqparaty qamtylǵan cookie faildaryn olardyń kelisiminsiz paidalanǵany úshin aiyppul salǵan edi. Kompaniiaǵa 35 million eýro aiyppul salynǵan bolatyn.
