"Amanat" partiiasynyń depýtaty Amanjol Áltai Májilistiń Áleýmettik-mádeni damý komitetiniń quramyna kirdi, - dep habarlaidy Tengrinews.kz tilshisi.
"Qurmetti áriptester, qatarymyz jańa depýtatpen tolyqty. "Amanat" partiiasynyń tizimi boiynsha Amanjol Áltai Májilis depýtaty bolyp tirkelgen", - dedi Májilis spikeri Erlan Qoshanov.
Ol Áltaidy ant qabyldaýǵa shaqyryp, keiin depýtattardan onyń komitet quramyna kirýine daýys berýlerin surady.
"Kelip túsken ótinishke bailanysty Májilistiń Áleýmettik-mádeni damý komitetine depýtat Amanjol Áltaidy sailaýdy suraimyn. Amanjol Dúisenbaiuly - qazaqstandyq filolog, aqyn-improvizator, aitys sheberi, Qazaqstannyń eńbek sińirgen qairatkeri. Sondai-aq, ustazdyq tájiribesi mol, rýhani-mádeni qundylyqtardy, ulttyq ónerdi nasihattaýǵa, gýmanitarlyq ǵylym men bilimdi damytýǵa zor úles qosty", - dedi Májilistiń Áleýmettik-mádeni damý komitetiniń tóraiymy Jámilia Nurmanbetova.
