QR Prezidenttigine kandidat Amankeldi Taspihovtyń sailaýaldy tuǵyrnamasy jariialandy, dep habarlaidy "Ult aqparat".
Óz tuǵyrnamasynda Amankeldi Taspihov josyqsyz jumys berýshilerdiń jaýapkershiligin arttyrýǵa, qaýipsiz eńbek jaǵdaiyn jasaýǵa, jumysshylardyń eńbek quqyn qamtamasyz etýge, laiyqty eńbekaqynyń tólenýine, eńbek migratsiiasyn retteýge kúsh salǵaly otyrǵanyn málimdeidi.
«Biz aýylda jumys oryndaryn ashqan jumys berýshilerdi memleket tarapynan salyq jáne basqa da jeńildikter boiynsha yntalandyrýymyz kerek. Biz memleket esebinen aýyldyq eldi mekenderdi qajet etip otyrǵan mamandyqtar men kásipter boiynsha qamtamasyz etý úshin turǵyndardy oqytý men daǵdylandyrý júiesin jasaý qajet dep sanaimyz. Qazaqstandyqtardyń aýyldyq eldi mekenderde de jaily ómir súrip, jumys isteýi úshin memleket tarapynan barlyq jaǵdai jasalýyna qol jetkizetin bolamyz», - deidi tuǵyrnamasynda Amankeldi Taspihov.
Aita keteiik, QR kezekten tys prezident sailaýy 2019 jyldyń 9 maýsymyna taǵaiyndalǵan.
11 mamyrda keshki saǵat 18:00-den keiin Qazaqstanda sailaý aldyndaǵy úgit-nasihat sharalary bastaldy.
