«AMANAT» partiiasynyń Tóraǵasy Erlan Qoshanov ultymyzdyń uly aqyny Maǵjan Jumabaevtyń týǵanyna 130 jyl tolýyna orai bastaý alǵan «Men jastarǵa senemin!» atty aktsiiaǵa ún qosty. Oǵan atalǵan chellendjdi aqyn kindik kesken Sarytomar aýylynyń 7 synyp oqýshysy Jasmin Qaldybek joldady.
«Osy mereili datany Maǵjannyń jerlesteri – bizdiń balalarymyz bastap berip jatqanyna erekshe qýanyshtymyn. Maǵjan degende uly aqyn ǵana emes, ultymyzdyń tar jol, taiǵaq keshken taǵdyry, bar aiaýly bolmysy kóz aldymyzǵa keledi», – degen Erlan Qoshanov aqynnyń «Ataqty aqyn – sózi altyn hakim Abaiǵa» óleńinen úzindi oqydy.
Sóz sońynda partiia Tóraǵasy estafetany Qazaqstan Jazýshylar odaǵynyń tóraǵasy, aqyn Ulyqbek Esdáýletke jáne qazaq tilin damytýǵa zor úles qosyp júrgen otandasymyz Olga Spirinaǵa joldady.
