Foto: GosArhiv
GosArhiv telegram arnasy Amanat partiiasy fraktsiiasy atynan sailanǵan Májilis depýtaty Ádil Jubanovtyń kompaniiasyna qatysty derek jariialady.
"Quryltaishysy Amanat partiiasy fraktsiiasy atynan sailanǵan Májilis depýtaty Ádil Jubanov bolyp kele jatqan "BatysAliansStroi" kompaniiasy 2016 jyldan bastap jalpy somasy 15,2 mlrd teńgege 141 tenderdi jeńip alǵan. Kelisimsharttardyń kópshiligi qalalyq qurylys basqarmasymen jáne Atyraý oblysynyń ákimdikterimen jasalǵan. Qazir firmany depýtattyń ákesiniń aty men tegi sáikes keletin Jańabai Jubanov esimdi azamat basqarady" dep jazady GosArhiv.
Sonymen qatar Telegram arnananyń aitýynsha resmi túrde, eger basqarma senimgerlik basqarý sharty boiynsha berilse, zań depýtattarǵa biznesti ielenýge tyiym salmaidy. Jýyrda Jubanovtyń ózi "Samuryq-Qazyna" qoryna aýdit júrgizýge shaqyrdy.
