.jpeg)
Densaýlyq saqtaý salasy elimizdegi mańyzy joǵary salalardyń biri sanalady. Bul salada turǵyndardyń túitkildi máseleleri kún tártibinen túsken emes. «AMANAT» partiiasynyń qoldaýy men qadaǵalaýynyń nátijesinde meditsina máseleleri minberlerde aitylyp keledi. Óitkeni ómir bar jerde adam densaýlyǵy, dáriger quqyǵy túgesilmes taqyryp.
Osy oraida, «AMANAT» partiiasy Qyzylorda oblystyq sailaýaldy shtabynyń músheleri Shanhai móltek aýdanynda ornalasqan «Aleksei Sýltan» emhanasynda bolyp, meditsina qyzmetkerlerimen kezdesý ótkizdi.
Basqosýǵa kandidat Gúlnar Esqalieva, Murat Jumadildaev qatysty. Jiynda partiianyń sailaýaldy baǵdarlamasyn tanystyryp, aldaǵy bes jyldyq jobalar jaily áńgimeledi.
«AMANAT» partiiasy aldaǵy bes jylda aimaǵymyzda 30 densaýlyq saqtaý nysany boi kóterýine jaǵdai jasamaq. 12 deneshynyqtyrý-saýyqtyrý keshenin salmaq. Sonymen qatar 26 bilim berý nysany men 4300 orynǵa arnalǵan 43 balabaqsha ashylady. Aldaǵy 3 jylda aýyldyq jerlerde 27 dárigerlik ambýlatoriia, feldsherlik-akýsherlik jáne meditsinalyq pýnkt salyný josparlanýda. Turǵyndar úshin meditsinalyq qyzmet qol jetimdi bolýy kerek. Sonda memleketimiz alǵa qoiǵan jaily ómir súrý qaǵidasy arta túspek», – dedi Gúlnar Esqalieva.
Kezdesý barysynda úmitker Murat Jumadildaev «AMANAT» partiiasy densaýlyq saqtaý nysandarynyń qurylysynyń sapaly jáne ýaqtyly bolýyn airyqsha nazarǵa alatynyn jetkizdi.
Qyzylorda oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy sailaý qorynyń qarajatynan tólendi
