«AMANAT» partiiasynyń depýtattyqqa kandidattary Qostanai oblysynyń eńbek ujymymen kezdesti

Kezdesýde túrli sala qyzmetkerleri kandidattarǵa ózekti túitkilder men usynystaryn jetkizdi. Olar jalaqyny kóterý, jas mamandar tartý jáne aýyldyq infraqurylymdy jaqsartý máselelerin kóterdi.

Kandidattar Amanqaraǵaida orman jáne ańshylyq sharýashylyqtarynyń qyzmetkerlerimen kezdesti. Byltyrǵy órtten keiin orman alqaby belsendi túrde qalpyna keltirilýde, biraq áli de jumysshylar jetkiliksiz. 

Ormanshylardyń aitýynsha, bos jumys oryndary bolǵanymen, eshkimniń kelgisi kelmeidi. Sebebi,  jalaqy az, eshqandai jaǵdai jasalmaǵan deýge bolady, jas mamandardy qyzyqtyratyn eshteńe joq.

Parlament Májilisiniń depýtattyǵyna kandidat Ekaterina Smyshliaeva «AMANAT» partiiasynyń sailaýaldy baǵdarlamasynda osy máselelerge kóp kóńil bólingenin atap ótti.

«Ádette muǵalimder men dárigerlerdiń ǵana jalaqysy ósedi. Orman sharýashylyǵy qyzmetkerleri eshqashan mundai basymdyqqa ie bolǵan emes. Biraq biz baǵdarlamaǵa orman sharýashylyǵy qyzmetkerleriniń jalaqysyn ósirý máselesin arnaiy belgiledik.  Men qazirdiń ózinde ózgerister bar ekenin bilemin, sizderge qosymsha aqy bólinetin bolady. Biz jalaqy júiesiniń Úkimet Qaýlysy deńgeiinde ózgergenin alaimyz. Ekinshi qynjyltatyn jait – oblysta mamandar daiarlaý úrdisi toqtady. Memlekettik tapsyrys óte az – 3-5 grant qana bólinedi, bul jetkiliksiz. Kelesi oqý jylynyń basynan bastap, quziretti oryndarmen qosymsha granttar bólý máselesi týraly kelissek deimiz», – dedi kandidiat E.Smyshliaeva. 

Jumysshylar aýyldyq jerlerde qosymsha aqy tóleýge qatysty taǵy bir mańyzdy máseleni aitty. Olardyń aitýynsha, qyzmetkerlerdiń bir bóligi – esepshi, traktorshylar, tehnikalyq personaldar ústeme aqy almaidy.

«Biz bul máseleni birneshe ret kótergen bolatynbyz. Biraq kúni keshe Eńbek jáne halyqty áleýmettik qorǵaý ministrligi Orman sharýashylyǵy personalynyń tómengi sanaty boiynsha máseleni pysyqtap jatqanyn bildim»,  – dep jaýap berdi Parlament Májilisiniń depýtattyǵyna kandidat Erlan Nysanbaev.

Qostanai oblystyq máslihaty depýtattarynyń sailaýynda partiialyq tizimdi usynǵan "AMANAT" partiiasy sailaý qorynyń qarajatynan tólendi