Kollaj: Ulysmedia
«Amanat» partiiasynyń burynǵy qyzmetkeri Arai Esenbek ustaldy, dep habarlaidy Ult.kz Halyqstan Telegram arnasyna silteme jasap.
Shymkent qalasynda jýrnalist ári blogerdiń sheneýnikten 10 million teńge kóleminde aqsha bopsalady degen kúdikpen ustalǵany belgili boldy. Tergeý barysynda kúdiktiniń «Amanat» partiiasynyń burynǵy qyzmetkeri Arai Esenbek ekeni anyqtaldy.
Aita keteiik, bul jóninde jýrnalist Mihail Kozachkov ta habarlaǵan.
Arai Esenbek biyl sáýir aiyna deiin Shymkent qalasyndaǵy Ál-Farabi aýdany boiynsha «Amanat» partiiasy filialynyń atqarýshy hatshysy qyzmetin atqarǵan.
2020 jyly Esenbek Shymkent qalasy ákiminiń baspasóz hatshysy bolyp taǵaiyndalǵan. Oǵan deiin ol Shymkent qalalyq Aqparattyq-kommýnikatsiialyq ortalyǵynyń direktory qyzmetin atqarǵan. Óz eńbek jolyn «Habar» agenttiginde bastaǵan ol keiin «Ońtústik» (burynǵy «Qazaqstan-Shymkent»), «31» telearnalarynda jáne «Azattyq rýhy» basylymynda tilshi bolyp jumys istegen.
Eske salaiyq, 7 qarasha kúni tańerteń Shymkentte blogerdiń sheneýnikten 10 million teńge bopsalady degen kúdikpen ustalǵany týraly habarlanǵan edi.
