QR Parlamenti Májilisiniń jáne AMANAT partiiasynyń tóraǵasy Erlan Qoshanov partiiany alda qandai kezeń kútip turǵanyn aitty, dep habarlaidy QazAqparat.
«Asa qurmetti Qasym-Jomart Kemeluly, osynaý tarihi kezeńde partiianyń jetekshiligin maǵan senip tapsyrǵanyńyz úshin, júktegenińiz úshin ózińizge jáne osy sheshimdi qoldaǵan partiialas áriptesterime zor alǵysymdy bildiremin. Men bul sheshimdi úlken syn, úlken jaýapkershilik jáne amanat dep túsinemin», - dedi ol AMANAT partiiasynyń XXIII sezinde.
Sondai-aq, ol partiialastaryn el men Prezident amanatyn birge atqarýǵa shaqyrdy.
«AMANAT partiiasy – bul Prezidentimizdiń qoǵamdyq tiregi. AMANAT partiiasy – bul reformalar partiiasy jáne Jańa Qazaqstannyń jasampazdyǵy. Qurmetti partiialastar, bizdi úlken synaqtar, úlken naýqandar kútip tur. Elimiz ben Prezidentimizdiń bizge bergen senimin, amanatyn bárimiz birigip abyroimen atqaraiyq», - dedi Erlan Qoshanov.
