QR Parlamenti Májilisiniń depýtaty Amanjan Jamalov Úkimetti zeinetaqy jinaqtarynyń eń tómengi jetkilikti shegin qoldaný merzimin 2022 jyldyń sońyna deiin uzartýǵa shaqyrdy. Bul týraly depýtat óziniń Facebook jelisindegi resmi paraqshasynda jazdy, dep habarlaidy QazAqparat.
«Bul kúnderi barlyǵymyz «Otbasy banktegi» uzyn-sonar kezektiń kýási boldyq. Úsh kúnnen keiin olardy paidalaný úshin zeinetaqy jinaqtarynyń shegi kóteriledi. Turǵyndar taǵy da dúrligedi. Ótken jyldyń jeltoqsan aiynda Eńbek jáne halyqty áleýmettik qorǵaý ministrligi men BJZQ zeinetaqy jinaqtarynyń barynsha az jetkiliktilik shegin kóterdi, bul úlken qoǵamdyq rezonans týdyrdy.
Máseleniń kúrdelengeni sonshalyq, oǵan Prezidenttiń aralasýyna týra keldi. Nátijesinde eń tómengi jetkiliktilik shegin arttyrý 2022 jyldyń 1 sáýirine deiin shegerildi», - dedi depýtat.
Amanjan Jamalov «AMANAT» partiiasynyń fraktsiiasy jetkiliktiliktiń eń tómengi shekterin qaita esepteý týraly usynyspen depýtattyq saýal joldaǵanyn, biraq resmi túrde jaýap alynǵanyn atap ótti.
«Osyǵan orai «AMANAT» partiiasynyń fraktsiiasy depýtattyq saýal joldaǵan, saiyp kelgende, olardyń aitarlyqtai tómendeýine ákep soqtyratyn eń tómengi shekti mánderdi qaita esepteý usynysy bar. Biraq, ókinishke orai, ótinishimizge resmi jaýap aldyq. Esterińizge sala keteiin, zeinetaqy jinaqtarynyń bir bóligin alý - Memleket basshysynyń ideiasy boldy. Ol úlken qoǵamdyq qoldaýǵa ie boldy. Myńdaǵan azamattar baspana satyp aldy, ipotekalyq nesiesin ótedi, emdelýge aqsha tóledi – bul naqty áleýmettik nátije. Jetkiliktilik sheginiń 2 ese ósýi is júzinde Prezidenttiń ideiasyna nuqsan keltiredi. 1 sáýirge deiin sanaýly kúnder qaldy, biraq Eńbek ministrligi men BJZQ taǵy da únsiz. Sheshim, túsindirý jumystary men talqylaý joq. Minimaldy jetkiliktiliktiń jańa shegi turǵyndar úshin taǵy da tosynsyi bolmaq jáne olar «Otbasy bankine» kezekke turǵan.
Teńge baǵamynyń devalvatsiiasy men zeinetaqy jinaqtarynyń qunsyzdanýy jaǵdaiynda shekti deńgeidiń joǵarylaýy azamattardyń tityǵyna tiip, túsinbeýshiligin týdyrady», - dep jalǵastyrdy A.Jamalov.
Amanjan Jamalov Úkimetti zeinetaqy jinaqtarynyń eń tómengi jetkiliktiligi sheginiń qoldanylý merzimin 2022 jyldyń sońyna deiin uzartýǵa shaqyrdy.
«Amanat» partiiasy janyndaǵy Ekonomika, kásipkerlik jáne agrarlyq sektor jónindegi respýblikalyq qoǵamdyq keńestiń tóraǵasy retinde kúrdeli ekonomikalyq jáne áleýmettik jaǵdaidy eskere otyryp, men Úkimetti zeinetaqy jinaqtarynyń qoldanystaǵy eń tómengi jetkiliktik shegin 2022 jyldyń sońyna deiin uzartýdy suraimyn. Al keleshekte jyldyq infliatsiia eń tómengi jetkiliktilik shegin kóterýdiń negizi retinde paidalanylýy jáne jyl saiyn qaita qaralýy kerek, kem degende, azamattar ne kútetinin jáne qalai josparlaý kerektigin túsinetin bolady.
Biz óz jinaqtarymyzdy alyp, qaryzdardan arylýǵa múmkindik berýimiz kerek. Sonymen qatar, memleket kez kelgen jaǵdaida oǵan bazalyq zeinetaqyǵa kepildik beredi», - dep túiindedi depýtat.
Buǵan deiin Biryńǵai jinaqtaýshy zeinetaqy qory óz jinaqtaryn «eski» shek boiynsha paidalanǵysy keletin qazaqstandyqtarǵa 28 naýryzdan keshiktirmei ótinish berýdi usynǵan bolatyn. Bul rette 31 naýryzǵa deiin berilgen ótinishter qaraýǵa jatady.
