«AMANAT» partiiasy úmitkerleri Qyzylorda meditsinalyq kolledji ujymymen kezdesti

Búgin Qyzylorda meditsinalyq kolledji ujymymen kezdesip, úgit nasihat jumystaryn júrgizgen «AMANAT» partiiasy Qyzylorda oblystyq filialy atynan oblystyq máslihatqa úmitkerler - Raýshan Bazarbai men Murat Jumadilaev jetekshi partiianyń densaýlyq saqtaý salasy boiynsha alda atqarylatyn jumystary jaily atap ótti. 

Kezdesýde sóz alǵan úmitker Raýshan Bazarbai eń aldymen meditsina salasynyń damýyn jetildirip, aýyl halqynyń densaýlyǵyn jaqsartýdyń mańyzdylyǵyna toqtaldy.

"Meditsina salasy - elimizdegi eń kúrdeli ári jaýapty sala. Halyq densaýlyǵy - qoǵam bailyǵy. Osy maqsat jolynda «AMANAT» senimge qurylǵan adaldyq partiiasy retinde aldaǵy 5 jylda «Halyqpen birge!» dep atalatyn Sailaýaldy baǵdarlamasynda densaýlyq saqtaý salasyn túbegeili jaqsartýdy maqsat etip otyr. Ol úshin: kezeń-kezeńimen qarjylandyrýdy ulǵaitýǵa, densaýlyq saqtaý salasy qyzmetkerlerin memlekettiń qamqorlyǵyna kirýine kepildik berip, olardyń mártebesin zańnamalyq túrde bekitip, jumys jaǵdaiyn jaqsartaýǵa yqpal etpek. Sondyqtan partiia múshesi retinde Sizder artqan senim údesinen kórinýge ýáde etemin. «Halyq sóilesin» jobasy aiasynda arnaiy jumysshy top árbir aimaq, árbir turǵynnyń máselesin muqiiat zerdelep, onyń tiisti dárejede oryndalýyn tolyqqandy qamtamasyz etedi. Sizderdi 19 naýryzda «AMANAT» partiiasyn qoldap, daýys berýge shaqyramyn. Sizderdiń árbir usynys-tilekterińiz eskeriletinin jetkizgim keledi", – dedi Raýshan Bazarbai.

Al, úmitker Murat Jumadildaev partiia qoldaýymen aldaǵy ýaqyttarda oblysta 30 meditsinalyq nysan paidalanýǵa beriletindigin atap ótip, sailaýshylardy ádil jáne durys tańdaý jasaýǵa shaqyrdy.

Kezdesýge partiia atynan bir mandattyq sailaý okrýgi boiynsha oblystyq máslihatqa úmitker Maǵjan Eraliev te qatysyp, óziniń sailaýaldy baǵdarlamasyn tanystyrdy.

Jiyn qorytyndysynda stýdentter men kolledj oqytýshylary saýaldaryn qoiyp, sailaý naýqanynda belsendilik tanytatyndaryn jetkizdi.

Tapsyrys berýshi: L.B. Tóreshova

Qyzylorda oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy sailaý qorynyń qarajatynan tólendi