Búgin 20 myńǵa jýyq partiia múshesi, «Jastar Rýhy» jastar qanatynyń belsendileri men «AMANAT» jaqtastary úgit materialdaryn jinaýǵa arnalǵan aýqymdy aktsiiaǵa kiristi.
«AMANAT»-tyń Atqarýshy hatshysy Elnur Beisenbaevtyń aitýynsha, bir aiǵa sozylǵan sailaý naýqanynda barlyq saiasi partiia men birmandatty okrýgter boiynsha kandidattar úgit-nasihat jumysyn belsendi júrgizip, búkil elimizde birneshe million plakat japsyrǵan.
«Endi sol japsyrylǵan úgit-nasihat materialdarynyń barlyǵyn jinap, tazalaýymyz kerek. Olardy qaita óńdeýge jiberýge bolady. Bul kommýnaldyq qyzmettiń jumysyn sál de bolsa jeńildetýge septesedi. Mundai is-sharalar qoǵamǵa qorshaǵan ortany uqypty ustaýdyń qanshalyqty mańyzdy ekenin kórsetip, ekologiialyq mádeniettiń turaqty modelin qalyptastyrýǵa kómektesedi. Osy bastamany partiia Tóraǵasy Erlan Qoshanov jaqynda ótken «Halyqpen birge!» forýmynda aitqan bolatyn», - dedi Elnur Beisenbaev.
Aita keteiik, plakattardy jinaý jumysy elimizdiń barlyq óńirinde júrip jatyr. Bul isten Atyraý qalasyndaǵy partiialyqtary da shet qalmady. Belsendiler bazarlardaǵy, saýda ortalyqtaryndaǵy jáne turǵyn úilerdiń aýlalaryndaǵy úgit-nasihat plakattaryn jinap jatyr.
«Qaǵaz qaldyqtary búkilálemdik qoqys kóleminde 4-shi orynda tur. Biz plakattardy jinaý jumysyn tek oblys ortalyǵynda ǵana emes, jalpy oblys boiynsha, aýdandarda da júrgizemiz. Olardy makýlatýra qabyldaý pýnktterine tapsyramyz», - dedi «Jastar Rýhy» Atyraý oblystyq filialynyń tóraǵasy Abylai Qurmetuly.
Aktsiiaǵa shymkenttikter de qosyldy. Onda qalalyq saiabaqtar men alańdardaǵy stendterden plakattar alynyp tastalady.
«Úgit-nasihat barysynda partiia men jastar qanatynyń 580-ge jýyq múshesi 350 myńnan astam material taratty. Endi bárimiz solardy jinaýǵa kiristik. Osylaisha, qalamyzda tazalyqtyń saqtalýyna óz úlesimizdi qosamyz», - deidi «Jastar Rýhy» JQ-nyń belsendisi Tursynbek Baqytjan.
