بٷگٸن 20 مىڭعا جۋىق پارتييا مٷشەسٸ, «جاستار رۋحى» جاستار قاناتىنىڭ بەلسەندٸلەرٸ مەن «AMANAT» جاقتاستارى ٷگٸت ماتەريالدارىن جيناۋعا ارنالعان اۋقىمدى اكتسيياعا كٸرٸستٸ.
«AMANAT»-تىڭ اتقارۋشى حاتشىسى ەلنۇر بەيسەنباەۆتىڭ ايتۋىنشا, بٸر ايعا سوزىلعان سايلاۋ ناۋقانىندا بارلىق ساياسي پارتييا مەن بٸرمانداتتى وكرۋگتەر بويىنشا كانديداتتار ٷگٸت-ناسيحات جۇمىسىن بەلسەندٸ جٷرگٸزٸپ, بٷكٸل ەلٸمٸزدە بٸرنەشە ميلليون پلاكات جاپسىرعان.
«ەندٸ سول جاپسىرىلعان ٷگٸت-ناسيحات ماتەريالدارىنىڭ بارلىعىن جيناپ, تازالاۋىمىز كەرەك. ولاردى قايتا ٶڭدەۋگە جٸبەرۋگە بولادى. بۇل كوممۋنالدىق قىزمەتتٸڭ جۇمىسىن سەل دە بولسا جەڭٸلدەتۋگە سەپتەسەدٸ. مۇنداي ٸس-شارالار قوعامعا قورشاعان ورتانى ۇقىپتى ۇستاۋدىڭ قانشالىقتى ماڭىزدى ەكەنٸن كٶرسەتٸپ, ەكولوگييالىق مەدەنيەتتٸڭ تۇراقتى مودەلٸن قالىپتاستىرۋعا كٶمەكتەسەدٸ. وسى باستامانى پارتييا تٶراعاسى ەرلان قوشانوۆ جاقىندا ٶتكەن «حالىقپەن بٸرگە!» فورۋمىندا ايتقان بولاتىن», - دەدٸ ەلنۇر بەيسەنباەۆ.
ايتا كەتەيٸك, پلاكاتتاردى جيناۋ جۇمىسى ەلٸمٸزدٸڭ بارلىق ٶڭٸرٸندە جٷرٸپ جاتىر. بۇل ٸستەن اتىراۋ قالاسىنداعى پارتييالىقتارى دا شەت قالمادى. بەلسەندٸلەر بازارلارداعى, ساۋدا ورتالىقتارىنداعى جەنە تۇرعىن ٷيلەردٸڭ اۋلالارىنداعى ٷگٸت-ناسيحات پلاكاتتارىن جيناپ جاتىر.
«قاعاز قالدىقتارى بٷكٸلەلەمدٸك قوقىس كٶلەمٸندە 4-شٸ ورىندا تۇر. بٸز پلاكاتتاردى جيناۋ جۇمىسىن تەك وبلىس ورتالىعىندا عانا ەمەس, جالپى وبلىس بويىنشا, اۋدانداردا دا جٷرگٸزەمٸز. ولاردى ماكۋلاتۋرا قابىلداۋ پۋنكتتەرٸنە تاپسىرامىز», - دەدٸ «جاستار رۋحى» اتىراۋ وبلىستىق فيليالىنىڭ تٶراعاسى ابىلاي قۇرمەتۇلى.
اكتسيياعا شىمكەنتتٸكتەر دە قوسىلدى. وندا قالالىق ساياباقتار مەن الاڭدارداعى ستەندتەردەن پلاكاتتار الىنىپ تاستالادى.
«ٷگٸت-ناسيحات بارىسىندا پارتييا مەن جاستار قاناتىنىڭ 580-گە جۋىق مٷشەسٸ 350 مىڭنان استام ماتەريال تاراتتى. ەندٸ بەرٸمٸز سولاردى جيناۋعا كٸرٸستٸك. وسىلايشا, قالامىزدا تازالىقتىڭ ساقتالۋىنا ٶز ٷلەسٸمٸزدٸ قوسامىز», - دەيدٸ «جاستار رۋحى» جق-نىڭ بەلسەندٸسٸ تۇرسىنبەك باقىتجان.
