«AMANAT» partiiasy Saiasi keńesiniń múshesi Dinara Sádýaqasova «AMANAT» partiiasy Qoǵamdyq saiasat Institýty direktorynyń orynbasary bolyp taǵaiyndaldy, dep habarlaidy "Ult aqparat" partiianyń baspasóz qyzmetine silteme jasap.
Dinara Sádýaqasova 1988 jyly 5 qazanda dúniege kelgen. Ál-Farabi atyndaǵy Qazaq ulttyq ýniversitetinde «halyqaralyq qatynastar» jáne «halyqaralyq quqyq» (magistratýra) mamandyqtary boiynsha bilim alǵan. 2012 jyly Resei halyqtar dostyǵy ýniversitetiniń zań fakýltetin bitirdi, al 2018 jyly L.N. Gýmilev atyndaǵy Eýraziia ulttyq ýniversitetinde «halyqaralyq quqyq» mamandyǵy boiynsha PhD ǵylymi dárejesin aldy. Ol Halyqaralyq, sonyń ishinde Kembridj ýniversitetinde birqatar ǵylymi taǵylymdamadan ótken.
Eńbek jolyn Ál-Farabi atyndaǵy QazUÝ-nyń memleket jáne quqyq institýtynda ǵylymi qyzmetker bolyp bastady. Dinara Sádýaqasova ár jyldary «Qazaqstandyq halyqaralyq quqyq qaýymdastyǵy» QB atqarýshy direktory, «Qazaqstannyń Azamattyq Aliansy» ZTB direktory bolǵan.
2015 jyldyń sáýir aiynan bastap qazirgi ýaqytqa deiin «Biryńǵai «Jas Ulan» balalar men jasóspirimder uiymynyń tóraǵasy qyzmetin atqarǵan.
