Amanat partiiasy óziniń eń qýatty jáne jetekshi saiasi kúsh ekendigin naq osy referendým kórsetetin bolady. Belgili saiasattanýshy, «Qazaqstandyq qoǵamdyq damý institýty» KEAQ basqarma tóraǵasy Qazybek Maigeldinov osyndai pikir bildirdi.
"Amanat partiiasy referendýmdy qoldaý boiynsha málimdeme jasady. Memleket basshysy bilikti ortalyqsyzdandyrý, sýperprezidenttikti joiý jáne bilikti barlyq bilik institýttary arasynda teń bólý qajettigi týraly birneshe ret aitqan bolatyn. Bul reformalar eldiń basty qujatynda kórinis tabýy kerek.
Konstitýtsiiaǵa engiziletin túzetýlerdiń negizgi tarmaǵy Prezident ókilettigin shekteýge baǵyttalǵan. Máselen, prezidenttik ókilettigin júzege asyrý kezeńinde qandai da bir partiiaǵa múshelikke tyiym salady. Ortalyq sailaý komissiiasynyń Tóraǵasy úshin de osyndai tyiym qarastyrylǵan" - dep jazdy ol jelidegi paraqshasynda.
Onyń aitýynsha, Toqaevtyń ákimderge partiia filialdarynda qyzmet atqarýǵa tyiym salǵanyn da umytpaǵan jón.
"Osyny eskere otyryp, sondai-aq joǵaryda atalǵan túzetýlerdi eskere otyryp, Amanat partiiasy eldiń basty avtonomdy saiasi kúshine ainalady. Eger buryn partiia atqarýshy bilikke, ortalyq apparatqa – Prezidentke, al filialdar – ákimderge esep beretin bolsa, endi, tek qana azamattardyń múddelerin eskeretin arna bola otyryp, partiianyń mártebesi atqarýshy bilikte, ásirese óńirlerde kóteriletin bolady. Mysaly, máslihat depýtattary kópshilik daýyspen eger de ákimder qandai da bir sebeptermen óz fýnktsiialaryn tiisti túrde oryndamasa, olardy laýazymynan alyp tastai alady.
Sonymen qatar, Memleket basshysy óziniń partiiadan merziminen buryn shyǵýymen Amanat-qa jyldyń sońyn kútpei-aq, jańa jaǵdaida jumysty bastaý týraly signal berdi.
Sondyqtan Amanat partiiasynyń Konstitýtsiiaǵa túzetýler engizý úshin úgit-nasihat shtabyn belsendi túrde qurǵany qisyndy. Qazir olar daýys berýde halyqtyń qoldaýyna ie bolý úshin barlyq kúsh-jigerin shoǵyrlandyryp, bar tájiribesin jáne ortalyqtyń filialdarmen ózara is-qimylynyń júieliligin paidalanýy qajet" - deidi Maigeldinov.
Sondyqtan partiia óziniń eń qýatty jáne jetekshi saiasi kúsh ekendigin naq osy referendým kórsetetin bolady.
