6 maýsym kúni ótken saiasi keńestiń shuǵyl otyrysynda Amanat partiiasy jańadan qurylǵan Ádilet partiiasymen yqtimal birigý máselesin qarastyrdy, dep habarlaidy ult.kz.
Bul aqparatty BES.media tilshisine Májilis depýtaty ári partiianyń saiasi keńesi biýrosynyń múshesi Erlan Sairov rastady.
Erlan Sairovtyń aitýynsha, saiasi keńes músheleriniń basym bóligi prezidentti qoldaityn elektorattyń birneshe partiiaǵa bólinýin durys dep sanamaidy.
«Qazir saiasi keńes músheleriniń kópshiligi saiasi birigýdi qoldap otyr. Meniń oiymsha, mundai sheshim qabyldanady. Alaida túpkilikti sheshimdi partiia sezi qabyldaidy. Kópshilik prezidentti qoldaityn elektoratty bólip-jarýǵa bolmaidy degen pikirde. Sondyqtan aldaǵy ýaqytta partiialardyń birigýi múmkin», – dedi ol.
«Ádilet» partiiasy týraly
Jańa Ádilet partiiasynyń qurylǵany 2026 jylǵy 15 sáýirde jariialandy. Kelesi kúni bastamashyl top memlekettik tirkeýden ótý úshin qujattaryn Ádilet ministrligine tapsyrǵan.
Partiia músheleri eldegi saiasi jańǵyrýdy, jańartylǵan Konstitýtsiia qaǵidalaryn, zań ústemdigin jáne azamattardyń qoǵamdyq-saiasi ómirge qatysýyn keńeitýdi qoldaityndaryn málimdegen.
Partiia tóraǵasy bolyp burynǵy Prezident ákimshiliginiń basshysy Aibek Dádebai sailanǵan.
Saiasi keńes quramyna Baǵdat Mýsin, Dinara Zákieva, Andrei Lavrentev, Marat Shibýtov Raýan Kenjehanuly, Renat Bekturov engen.
