WBO nusqasy boiynsha jartylai orta salmaqtaǵy kolýmbiialyq álem chempiony Eleider Alvares ózimen tegi bir meksikalyq boksshy Saýl «Kanelo» Alvarestiń Gennadii Golovkinmen revanshta jeńgenimen kelispeidi, dep habarlaidy inform.kz agenttigi Sports.kz portalyna silteme jasap.
Eske salaiyq, 16 qyrkúiek kúni GGG men «Kanelo» arasyndaǵy qarymta kezdesý ótip, tóreshilerdiń sheshimine sáikes meksikalyq boksshy jeńimpaz atanǵan edi.
«Bul joly «Kanelo» áldeqaida myqty judyryqtasty. Sebebi ol árdaiym alǵa umtylyp turdy. Degenmen Golovkinniń soqqylary dálirek, aiqyn boldy. Sondyqtan men ony jeńimpaz dep sanaimyn. Alaida boksta mundai jaǵdailar bolyp turady», - dedi Boxingscene.com saityna bergen suhbatynda Eleider.
