«Altynemel» ulttyq tabiǵi parkinde ekologiialyq týrizmdi damytýdyń tujyrymdamasy júzege asyrylmaq. Bul týraly Ekologiia, geologiia jáne tabiǵi resýrstar ministriniń orynbasary Erlan Nysanbaev onlain konferentsiia barysynda aitty, dep habarlaidy "Ult aqparat".
Onlain sharaǵa QR Ekologiia, geologiia jáne tabiǵi resýrstar vitse-ministri Erlan Nysanbaev, QR Mádeniet jáne sport vitse-ministri Órken Bisaqaev, sala sarapshylary, ǵalymdar men qoǵam belsendileri qatysty.
«Osy jobany júzege asyrý arqyly 2025 jylǵa qarai jergilikti halyq úshin 250 jańa jumys ornyn asha alamyz. Jyl saiyn keletin týrister sany 20 myńnan 78 myń adamǵa kóbeiip, biýdjetke túsetin qarjy 10 esege artady», - dedi Erlan Nysanbaev tujyrymdamany tanystyrý barysynda.
Vitse-ministr sonymen birge byltyr 2019-2025 jyldarǵa arnalǵan týrizm salasyn damytý boiynsha memlekettik baǵdarlama qabyldanǵanyn atap ótti.
Qazaqstan ekotýrizmdi ulttyq parkterde AQSh tájiribesi negizinde damytpaq. Iaǵni, munda týristik marshrýttar men soqpaq joldardy damytýǵa kóbirek kúsh salynady.
«Sonymen birge zamanaýi vizit-ortalyqtar, gemping, kempingter, etnoaýyldar salynady. Nysandar jeńil jinalatyn konstrýktsiialar arqyly turǵyzylady. Iaǵni park aýmaǵynda túbegeili úlken qurylys júrmeidi», - dep túsindirdi E. Nysanbaev.
«Altynemel» ulttyq parkin damytý tujyrymdasy boiynsha 3 marshrýtty rettep, túzeý josparlanǵan.
«Shyǵan» baqylaý ótkizý pýnkti mańyndaǵy aýmaqta avtokólik turaǵy durystalyp, etnoaýyl salynady.
«Kelýshiler úshin kelesi toqtaityn jer - Myńbulaq. Týristerdiń tamaqtanýy úshin qozǵalmaly ashana, iaǵni karavaning bolady. Demalys qolaily ótýi úshin glempingter ornalastyrylady. Ári qarai týrister marshrýt boiynsha tarihi-mádnni nysan - Shoqan Ýálihanov bulaǵyna bara alady. Bul jerde de jyljymaly ashana jumys isteidi, demalyp otyratyn jerler bolady», - dedi vitse-ministr.
Budan bólek, jabaiy janýarlardy tamashalaý úshin kórý alańy salynbaq.
«Ekologiialyq týrizmdi damytý tujyrymdamasyn júzege asyrý úshin investor tartylady. «Ile Alataý», «Sharyn» ulttyq parkteri mysalynda «Altynemelde» júrip jatqan jumystardy baqylap, táýelsiz baǵa beretin qoǵamdyq keńes qurylady», – dep túiindedi Erlan Nysanbaev.
