Nursultan Nazarbaev Qory «Altyn tobylǵy» ádebi baiqaýyn qorytyndylady, dep habarlaidy "Ult aqparat".
Meiirimdi oiatar áserli oqiǵa, qyzyqty jait, júrek tebirenter hikaia, jalyndy óleńder. «Altyn tobylǵy» ádebi baiqaýyna qatysqan jas aqyn-jazýshylardyń shyǵarmalaryn osylai sipattaýǵa bolady.
Baiqaýǵa Nursultan Nazarbaev Qory muryndyq bolǵan, bul biyl altynshy ret ótti. Joba jyl saiyn shyǵarmashyl jastardyń nazaryn aýdaryp, qalamynyń ushtalýyna shabyt berip keledi.
Pandemiiaǵa bailanysty biyl baiqaý jeńimpazdary onlain túrde jariialandy. Nursultan Nazarbaev Qorynyń atqarýshy direktory Qanat Jumabaev is-sharanyń ashylý saltanatynda: «Altyn tobylǵy» – jyl sanap tanymal bolyp kele jatqan jobanyń biri. 2015 jyly baiqaýǵa 120 shyǵarma qatyssa, biyl Qazaqstannyń túkpir-túkpirinen 161 týyndy baq synady. Ár avtorǵa baiqaýǵa qyzyǵýshylyq tanytqany úshin, erekshe shyǵarmalary úshin alǵys aitamyz», - dedi.
Baiqaý jeńimpazdary:
- «Jyldyń úzdik poeziiasy» nominatsiiasynda – Jánibek Álimanov, Qaraǵandy qalasy («Dala jyrlary» shyǵarmasy);
- «Jyldyń úzdik prozasy» - Túrkistan qalasynan kelgen Baqytbek Hadyr («Májýsiler»);
- «Jyldyń úzdik balalar shyǵarmasy» - Esemanov Hamit, Taraz qalasy («Kúnnen kelgen Batyr»);
- «Jyldyń úzdik dramatýrgiiasy» - Almaty oblysynan kelgen Murat Qolǵanat («Kýáger»).
Bul jeńimpazdardyń árqaisysy 2 million teńgeden aldy.
Qazylar alqasynyń músheleri «Abaidyń 175 jyldyǵyna arnalǵan shyǵarmalar» arnaiy syilyǵynyń jeńimpazyn anyqtaý barysynda syilyqty eki avtorǵa taǵaiyndaýdy jón dep tapty. Olar – Almaty qalasynan Ýmtyl Zaqan («Shyńǵystaý Minjat. Hakim» shyǵarmasy) jáne Baǵashar Tursynbaiuly («Jas Abai») Árqaisysy 1,5 million teńge kólemindegi syiaqy aldy.
«Altyn tobylǵy» baiqaý jeńimpazdaryn anyqtaý saltanatyn bizdiń YouTube arnasynan kórýge bolady. Silteme profilde kórsetilgen.
