"Altyn Tobylǵy" ádebi baiqaýyna ótinim qabyldaý jalǵasyp jatyr

Dástúrli «Altyn Tobylǵy» ádebi baiqaýyna ótinimder qabyldaý jalǵasýda.  Qazaqstan Respýblikasy Tuńǵysh Prezidenti – Elbasy Qory «Altyn Tobylǵy» ádebiet baiqaýy bastalǵanyn habarlaǵan bolatyn. Baiqaýdyń jalpy júlde qory – 5,5 million teńge.

Jalpy erejeler

1. Osy Ereje Qazaqstan Respýblikasynyń Tuńǵysh Prezidenti — Elbasynyń Qory taǵaiyndaǵan «Altyn tobylǵy» ádebiet júldesin (budan ári — Júlde) berý tártibin belgileidi.

Maqsaty — qazirgi zamanǵy Qazaqstannyń kórkem ádebietin damytý, qoldaý kórsetý jáne nasihattaý.

Mindetteri:

• jańa urpaqtyń qazirgi zamanǵy kórkem ádebiettegi ómirlik filosofiialyq qaǵidattaryn beineleitin jas qazaqstandyq qalamgerlerdi anyqtaý jáne kótermeleý;
• tyń ádebi úrdisterdiń qalyptasýyna qoldaý kórsetý;
• qazirgi zamanǵy ádebiettegi jańa esimderdi kópshilik qaýymǵa tanystyrý.

Júldeniń quryltaishysy men uiymdastyrýshysy — Qazaqstan Respýblikasy Tuńǵysh Prezidenti — Elbasynyń Qory (budan ári — Júlde quryltaishysy nemese N.Nazarbaev Qory).

Júldeni taǵaiyndaý boiynsha konkýrs ótkizýdiń seriktesteri: Qazaqstan Jazýshylar odaǵy jáne Memlekettik tildi damytý qory.

Júlde konkýrs negizinde tómendegi nominatsiialar boiynsha taǵaiyndalady:

1) «Jyldyń úzdik prozasy»;

2) «Jyldyń úzdik poeziiasy»;

3) «Jyldyń úzdik dramatýrgiiasy»;

4) «Jyldyń balalarǵa arnalǵan úzdik shyǵarmasy»;

5) «Astananyń 20 jyldyǵy» taqyrybyna  arnalǵan úzdik ádebi týyndy.

Árbir nominatsiia jeńimpazyna «Altyn tobylǵy» ádebiet júldesiniń laýreaty ataǵy jáne 1 million teńge kóleminde syiaqy beriledi. 1,5 million teńge kólemindegi arnaiy syiaqy «Astananyń 20 jyldyǵy» taqyrybyna arnalǵan úzdik ádebi týyndy nominatsiiasy jeńimpazyna beriledi.

Ótkizý tártibi

Konkýrs bastalǵany týraly habarlandyrý N.Nazarbaev Qorynyń saitynda www.fpp.kz jáne buqaralyq aqparat quraldarynda jariialanady.

Shyǵarmalar 2018 jylǵy 1 shildeden 1 qarashaǵa deiingi aralyqta qabyldanady.

Konkýrstyń qorytyndysy 2018 jylǵy jeltoqsannyń  birinshi onkúndiginde jariialanady.

1. Júldege ádebi týyndylardy usyný tártibi
2. Konkýrsqa 18-35 jas aralyǵyndaǵy jas qalamgerlerdiń qazaq jáne orys tilindegi shyǵarmalary qabyldanady.
3. Bir avtor tek eki nominatsiiaǵa qatysýǵa quqyly.
4. Avtorlyq jumystarǵa qoiylatyn talaptar:

• Konkýrsqa bir avtordyń buryn esh jerde jariialanbaǵan eki shyǵarmasy ǵana qabyldanady;
• konkýrsqa beinormalyq qoldanystaǵy sózder kezdesetin, etikalyq normalar men avtorlyq quqyqtary buzylǵan shyǵarmalar qabyldanbaidy;
• shyǵarma A-4 formatynda, mátini 14 kólemindegi Times New Roman qarpimen 1,5 aralyqta terilýi kerek. Mátinniń kólemine qoiylatyn shekteý:
• proza úshin — 35 betten kem emes;
• poeziia úshin — 5 betten kem emes;
• dramalyq shyǵarma úshin — 30 betten kóp emes;
• balalar ádebieti úshin — 25 betten kóp emes;
• «Astananyń 20 jyldyǵy» taqyrybyna arnalǵan túrli janrdaǵy ádebi shyǵarma (proza — 35 betten kem emes; poema — 5 betten kem emes; drama — 30 betten kóp emes; balalar shyǵarmasy — 25 betten kem emes;).
• Konkýrsqa jiberiletin ótinim «Altyn tobylǵy» degen belgi qoiylyp bir konvertpen mynadai tártippen jiberilýi kerek:

Konvertke bólek salynatyndar 1) avtordyń aty-jóni kórsetilmei bir danada basyp shyǵarylǵan shyǵarma, 2) avtordyń ózi týraly málimetter osy konverttiń ishinde jeke konvertte bolýy tiis:  aty, tegi, ákesiniń aty, týǵan jyly, turǵylyqty mekenjaiy, bailanys telefondary, e-mail.

1. Ótinimder poshtamen Astana qalasy,A.Bókeihan kóshesi, 1 úi, Qazaqstan Respýblikasynyń Tuńǵysh Prezidenti — Elbasynyń Qory mekenjaiyna jáne at2018@fpp.kz elektrondyq poshta boiynsha jiberilýi tiis.
2. Konkýrsqa qatysýǵa ótinim bere otyryp, avtor:

• óziniń avtorlyǵyn rastaidy;
• Júldeniń uiymdastyrýshylaryna shyǵarmalardy buqaralyq aqparat quraldarynda, Uiymdastyrýshynyń uiǵarymy boiynsha jinaqtarda jáne ǵalamtorda jariialaýǵa ruqsat beredi;
• avtorlyq gonorardy talap etpeidi.

1. Qabyldanǵan shyǵarmalar retsenziialanbaidy jáne qaitarylmaidy.
2. Jumystardy Konkýrsqa jiberýge jáne saltanatty marapattaý rásimine qatysýǵa bailanysty shyǵyndardy qatysýshylar ózderi óteidi.

Jeńimpazdardy anyqtaý tártibi

1. Qoljazbalardy baǵalaý jáne Júlde jeńimpazdaryn (laýreattardy) anyqtaýdy Konkýrstyń Quryltaishysy elimizge tanymal aqyn-jazýshylardan, baspa ókilderinen, sondai-aq baiqaý quryltaishylary men seriktesteri ókilderinen jasaqtaǵan (7 adamnan kem emes) Qazylar alqasy júzege asyrady.
2. Qazylar alqasynyń quramy men Tóraǵasyn Konkýrstyń Quryltaishysy bekitedi.
3. Qazylar alqasynyń Júldeniń talaptaryna sáikes kelmeitin shyǵarmalardy qaramaýǵa (sonymen qatar anonimdi shyǵarmalardy) quqy bar.
4. Konkýrsqa usynylǵan shyǵarmalar qazylar alqasy múshelerine anonimdi túrde jiberiledi (avtordyń esimi atalmaidy).
5. Qorytyndy sheshim qazylar alqasynyń jalpy sanynan keminde 2/3 kvorýmy bolǵan jaǵdaida ashyq daýys berý arqyly qabyldanady.
6. Konkýrsqa usynylǵan týyndylardy ádil baǵalaý úshin barlyq jumystar anonimdi túrde qaralady. Konkýrsqa usynylǵan jumystardy baǵalaý kezinde shyǵarmanyń ózektiligi men avtordyń oilaý derbestigi, ustanymy, baiandaý rettiligi men maǵynalylyǵy, ideia ereksheligi, ádebi-kórkem qundylyǵy, estetikalyq áser tereńdigi basshylyqqa alynady.
7. Qorytyndy sheshim qabyldanǵanǵa deiin anonimdilik saqtalady.
8. Qazylar alqasynyń sheshimi aqyrǵy bolyp tabylady jáne qaita qaralmaidy.
9. Konkýrsqa laiyqty shyǵarmalar túspegen jaǵdaida, Qazylar alqasy Uiymdastyrýshylarǵa sol nominatsiia boiynsha júldeni tolyǵymen bermeýge nemese jartylai berý týraly usynys jasaýǵa quqyly.

Bailanys telefony:

8 7172 708 318 – Bulhairov Serik Mamyruly