El ekonomikasyn órkendetýde shaǵyn jáne orta biznesti keńeitip, aýylsharýashylyq ónimderin arttyrýǵa, qaita óńdeý jumystaryn jandandyrýǵa airyqsha nazar aýdarylýda. Bul oraida memlekettik «Jumyspen qamtý jol kartasy – 2020» baǵdarlamasy aiasynda qarjylyq qoldaýǵa ie bolyp otyrǵan kásip ieleri jumys aýqymyn keńeitýmen qatar iskerlikterin arttyra túsýde. Sonyń biri Panfilov aýylyndaǵy «AKNI» JShS óndirip otyrǵan otandyq sút ónimi – «Altyn tańǵa» degen suranys artyp keledi.
Negizinde 2009 jyly qurylǵan seriktestiktiń alǵa qoiǵan jospary sapaly sút ónimin óndirý bolatyn. Naryqtyq qatynastaǵy taýar ainalymyn zerttep, zerdelei kele tańdaiǵa tatymdy «Altyn tań» degen saýda markaly qyshqyl sútti sýsyn óndirýge bilek sybana kirisedi. Alǵashqy jyldary atalǵan ónimdi óndirýge qajet zamanaýi qurylǵylar alyp, úlken iske daiyndalǵan zaýytta ótken jyldan beri qalypty jumys yrǵaǵy qalyptasqan. Búginde el Úkimetiniń otandyq ónimniń bedelin ósirip, ótimdiligin arttyrý úshin «Qazaqstanda jasalǵan» degen ataýǵa ie arnaiy aktsiia uiymdastyryp, oǵan keń qoldaý kórsetip otyrǵany belgili. Saýda oryndarynda kózge jylyushyraityn osy eki aýyz sózdiń ózi kóńilińdi qýantyp, patriottyq sezimińdi qamshylaidy. Quramy tabiǵi taza ónimnen jasalatyndyǵyna esh shúbá keltirmeitin otandyq azyq-túlik túrin alýǵa daǵdylanyp qalǵanymyz anyq. Osylaisha tutynýshylar senimin nyǵaita otyryp, joǵary suranysqa ie bolyp otyrǵan sút óniminiń biri joǵaryda atalǵan «Altyn tań» der edik.
– Isti qolǵa almas buryn, onyń adam densaýlyǵyna tiimdiliginiń eskerilgeni abzal. Sebebi, ónimdi saýda sóresinen satyp alyp, tutynatyn adam bolǵandyqtan buǵan asa mán berýimiz qajet. Bizdiń seriktestik óndirip otyrǵan qyshqyl sútti sýsynnyń adam aǵzasyna, sonyń ishinde as qorytý jumysyn jaqsartýǵa tigizer paidasy óte zor. Tabiǵi ári ekologiialyq taza sútten jasalatyn sýsynnyń quramy biologiialyq qundylyqqa bai. Sýsyndy taǵam túrinde de qoldanýǵa bolatyndyǵyna kóz jetkizgen tutynýshylardyń qatary kóbeiip, ýaqyt ozǵan saiyn suranys artyp keledi, – degen «AKNI» JShS-niń bas direktory Rýslan Ýstemirov «Jumyspen qamtý jol kartasy – 2020» baǵdarlamasy boiynsha «Eksimbank Qazaqstan» bankinen jeńildetilgen nesie alyp, zaýyt kólemin ulǵaityp, qýattylyǵyn arttyrýǵa kúsh salatyndyqtaryn tilge tiek etti.
– Táýligine qabyldanatyn tabiǵi sútten 3 myń tonna sýsyn óndirilip, Almaty qalasynyń iri saýda oryndary men Talǵar aýdanynyń dúkenderine taratylady. Saqtalý merzimi 3 aiǵa deiin jaramdy. Qazirdiń ózinde oblys sheńberinen shyǵyp, Batys pen Shyǵys Qazaqstan oblystarynan tapsyrys túsip, otandyq ónimniń osy óńirlerge jóneltilip otyrǵany qýantady. Keleshekte sút zaýytynyń qýattylyǵyn arttyryp, eksporttyq áleýetin kóterýdi josparlap otyrmyz, – deidi seriktestiktiń saýda bóliminiń basshysy Shýhrat Daýtov.
– JShS búginde «AKNI-men» birlese eńbek etip otyrǵan «Úsh Nur Bulaq» gazdalmaǵan joǵary sanatty taza tabiǵi mineraldy sý óndirýmen ainalysýda. «Bulaq» atty ataýǵa ie 5 litrlik plastikalyq ydysqa quiylǵan móldir de tabiǵi taza sýdyń otandyq ónim qataryn tolyqtyryp qana qoimai, ótimdilik tanytýy kásiporyn jumysynyń jandana túsýine airyqsha yqpal etýde.
Atalǵan zaýytta turaqty túrde jumyspen qamtylǵan aýyl turǵyndarynyń kóńil-kúileri kóterińki. Avtomattandyrylǵan qondyrǵylardyń tetigin basyp, ózderine júktelgen jumystardy tiianaqty atqarýǵa mashyqtanǵan eńbek adamdarynyń júzderinen tabandylyq pen senimdilik ańǵarylady.
– Qazirgi zamanǵy ozyq tehnologiianyń arqasynda jumys áldeqaida jeńildedi. Mindetimiz – sút quiylǵan soń ydys syrtyna japsyrmasyn japsyrý. Osy zaýyttyń arqasynda alysqa sabylmai aýylda eńbek etip, otbasymyzdy asyrap otyrmyz, – deidi eńbek tájiribesi mol Tatiana Gordeeva.
Jumystyń jandanýyna Osmanova Nazipa qyzy Elnaramen, sonymen birge Maksim Nedýshenkov, Anna Konovalova syndy eńbek adamdary aianbai atsalysýda. Bes saýsaqtai birigip, eseli eńbek kórigin qyzdyra bilgen jandar jumyla kótergen júktiń jeńil bolatyndyǵyna kóz jetkizip otyr.
Ulbosyn Isabek
Panfilov aýyly,
Talǵar aýdany.
