Almaty oblysynyń ákimdigi Almaty mańynda ornalasqan "Altyn orda" bazary lokdaýn kezinde nege shekteýsiz jumys istegeni, sonyń saldarynan bazarda adam shekten tys kóp bolǵanyna qatysty pikir bildirdi, - dep habarlaidy Tengrinews.kz.
OKQ-da ótken Almaty oblysyndaǵy epidemiologiialyq jaǵdai týraly brifing barysynda jýrnalister ákimdik pen sanitarlyq qyzmet ókilderine Almaty qalasynda barlyq bazar men saýda jáne oiyn-saýyq ortalyǵy jabylǵan kezde "Altyn Orda" bazary men "Aport" nelikten jumys istegenin, sonyń saldarynan virýs juqtyrǵandar sany kóbeigeni týraly suraq qoidy.
"Altyn Orda" - respýblikalyq mańyzy bar bazar. Onda óńir turǵyndary men kásipkerleri ǵana emes, sondai-aq Qazaqstannyń basqa óńirinen jáne Qyrǵyzstan men Ózbekstan siiaqty kórshi elderden de ónim satyp alyp keledi, alyp ketedi. Bul bazar eldegi baǵa belgileýde úlken rol atqarady, óitkeni kóterme saýdagerlerdiń kópshiligi sol jerden taýar satyp alady. Eger ony birneshe kúnge japsaq, dúrligý men qymbatshylyq týǵyzady. Bazarda shekteý sharalary saqtalǵan, onda vaktsinalaýdyń úsh pýnkti jumys isteidi", - dedi Almaty oblysy ákiminiń orynbasary Batyrjan Baijumanov.
