.jpeg)
Túrkistanda«AMANAT» partiiasynyń qoldaýymen «Altyn dombyra» respýblikalyq aqyndar aitysy bastaldy. Eki kúnge josparlanǵan dúbirli doda ult ustazy Ahmet Baitursynulynyń 150 jyldyǵyna orailastyrylyp otyr.
Alamannyń ashylýynda sóz sóilegen «AMANAT» partiiasynyń Tóraǵasy Erlan Qoshanov el birliginiń jáne ult tutastyǵynyń máni men mańyzyna toqtalyp, osy jolda basyn báigege tikken Ahmet Baitursynulynyń airyqsha róli men eren eńbegin atap ótti.
«Kieli Túrkistan topyraǵynda alaman aitystyń shymyldyǵyn ashyp otyrmyz. «AMANAT» partiiasy rýhaniiat pen mádenietke jan-jaqty qamqorlyq jasap keledi. Sonyń bir aiǵaǵy – ultymyzdyń boitumaryna ainalǵan osy aitys», – dedi Erlan Qoshanov.
Árine, jahandaný dáýirinde ult bolmysyn, onyń dara dástúrin, qaimaǵy buzylmaǵan tól ónerin saqtap qalý ońai emes. Bul rette, «AMANAT» partiiasynyń Saiasi tuǵyrnamasynda ulttyq ónerimiz keńinen nasihattalyp, oǵan jan-jaqty jaǵdai jasalatyny aiqyn jazylǵan.
«El Prezidenti Qasym-Jomart Toqaevtyń bastamasymen elimiz jańa dáýirge, ádiletti Qazaqstanǵa qadam basty. Qoǵam ózgerip jatyr. Osy oń ózgeristerdi bolashaqqa aqyndarymyz jetkizedi dep oilaimyn. Búgin oramdy oilardy, ataly sózderdi estimiz degen senimdemin», – dep atap ótti Erlan Qoshanov.
Partiia tól tarihymyzdy dáripteý, rýhaniiatymyzdy jańǵyrtý baǵytyndaǵy bastamalardy ári qarai da jalǵastyra beredi. Osy ýaqyt aralyǵynda saiasi uiymnyń tikelei qoldaýymen elimizde 100-ge jýyq respýblikalyq aqyndar aitysy uiymdastyryldy.
Óz kezeginde, aitystyń tizginin ustaǵan aqyn, Májilis depýtaty Amanjol Áltai búgingi urpaq uly tulǵanyń kemeńger oilary arqyly tárbielenetinin jetkizip,kóziqaraqty kórermenge qazylar alqasynyń quramy men synǵa túsetin aqyndardy tanystyrdy.
Osylaisha, túrki áleminiń rýhani astanasynda ótip jatqan sóz saiysynda qazylar alqasyna kórnekti óner qairatkeri, Qazaqstannyń Halyq ártisi, Memlekettik syilyqtyń iegeri – Asanáli Áshimov tóraǵalyq etedi. Sonymen qatar, qazylar alqasynyń quramynda aqyn, Abai atyndaǵy ádebiet pen óner salasyndaǵy memlekettik syilyqtyń iegeri Ǵalym Jailybai, Senat depýtaty Nurtóre Júsip, aqyn, «Otan» ordeniniń iegeri Svetqali Nurjan, Májilis depýtaty Janarbek Áshimjanov, aqyn, Qazaqstan Jazýshylar odaǵy Astana qalalyq filialynyń direktory Dáýletkerei Kápuly, «Altyn dombyra» iegeri Bekarys Shoibekov, aqyn, Qadyr Myrza Áli atyndaǵy Batys Qazaqstan oblystyq «Mádeniet jáne óner» ortalyǵynyń direktory Baýyrjan Haliolla syndy mádeniet jáne tarlandary bar.
Alash ardaqtysy Ahmet Baitursynulynyń 150 jyldyǵyna orai uiymdastyrylyp otyrǵan sóz barymtasynda elimizdiń túkpir-túkpirinen kelgen 18 aqyn ózara baq synaýda. Olardyń arasynda «Altyn dombyra» iegeri Rústem Qaiyrtai, halyqaralyq, respýblikalyq aitystarda top jaryp júrgen Tólegen Jamanov, Erkebulan Qainazarov, Birjan Baitýov jáne t.b. aqyndar bar. Al kil myqtydan kim myqty shyǵary aqtyq synda anyqtalady.
