Balalar kámeletke tolǵannan keiin tiisti qarajat almaǵan. Sonymen qatar, jetim balalar turǵyn úi alý úshin memlekettik kezekke ýaqytyly turmaǵan.
"Bul taqyrypty balalar úiinde birneshe ret kóterdik, biraq nátijesiz boldy. 2016 jyly olar bizdi sotqa beremiz dep qorqytty. Bizge bes qabatty úi salynatynyn, memleketten jer alynǵanyn, ol 100 gektardan asatyn jer ekeni aityldy. Olar úi salýǵa ýáde berdi, sondyqtan eshqaida júginbedik. Biraq 2020 jyly balalar úiiniń direktory bizdi shaqyryp, 6 gektar jer bar ekenin aitty", - deidi túlekter.
Alaida bul ýchaskeden turǵyn úi alý úshin olardan 500 myń teńgeden talap etilgen. 60 bala úshin bul qarajat aýyr bolǵan.
"Bizde ondai aqsha joq ekenin túsindirdik, memlekettik organdarǵa bólýge kómektesý úshin júginýdi usyndyq. Biraq balalar úiiniń direktory qarsy boldy, ol qazir bul jerge moratorii engizilgenin, 2021 jyly kelýimiz kerek ekenin aitty. Byltyr olarǵa qaita júgindik, olar bizdi shyǵaryp salyp, eshkimge jer berilmeitinin jáne olarǵa senbeýimizdi jetkizdi. Keiin biz jerge moratorii jariialanbaǵanyn anyqtadyq", - dedi balalar úii tárbielenýshileri óz úndeýinde.
Bul oqiǵa Talǵar aýdanynyń ákimdigine de málim. Ákimniń baspasóz hatshysynyń aitýynsha, másele osy kúzde sheshiledi.
"Barlyq bala TKSh bazasynda turǵyn úi kezeginde tur. Jer balalar úiine berildi. Biraq demeýshini endi ǵana taptyq. Kúzde osy ýchaskede qurylys bastalady jáne túlekter ýáde etilgen turǵyn úige ie bolady", - dedi aýdan ákimdigi ókili.
Esqojina Tuiaq Qazkenqyzy 1998 jyly Talǵarǵa kóship kelgen. Sodan keiin onyń jeke balalar úiin qurý ideiasyn qala basshylyǵy qoldap, ǵimarat bólgen.
Jetim balalar memleketten tiisti qarajat ala ma, ol ázirshe belgisiz. Bul suraqqa ýákiletti organdar jaýap bergen joq.
© instagram/zhastar_nashi_prava_2022
