Erteń elimizdiń basym bóliginde qolaisyz aýa raiy kútiledi, dep habarlaidy "Ult aqparat" Qazgidromettiń dabyldy eskertýine silteme jasap.
21 qyrkúiekte kúndiz Qyzylorda oblysynda soltústik-shyǵystan jel soǵady, kúshi kei jerlerde 15-20 m/s jetýi yqtimal.
21 qyrkúiekte Atyraý oblysynda kei jerlerinde naizaǵai, kúndiz kei jerlerde soltústik, soltústik-batystan soqqan jeldiń jyldamdyǵy 15-20 m/s jetýi múmkin.
Sol kúni kúndiz Atyraý qalasynda naizaǵai oinap, soltústik-batystan soqqan jeldiń ekpini 15-20 m/s jetedi.
21 qyrkúiekte Qostanai oblysynyń kei jerlerinde naizaǵai jarqyldaidy, tuman túsýi yqtimad. Kúndiz kei jerlerde ońtústik-batystan jel soǵady, kúshi 15-20 m/s jetedi. Túnde kei jerlerde 1-3 gradýs sýyq bolady.
21 qyrkúiekte kúndiz Mańǵystaý oblysynyń kei jerlerinde naizaǵai jarqyldaidy. Jel soltústik-batystan soǵady, kúshi 15-20 m/s.
Sol kúni kúndiz Aqtaý qalasynda naizaǵai kútiledi, jel soltústik-batystan soǵady, ekpini 15-20 m/s jetedi.
21 qyrkúiekte túnde Aqmola oblysynyń kei jerlerinde topyraq betinde 1-3 gradýs úsik kútiledi. Kúndiz kei jerlerde naizaǵai oinap, ońtústikten, ońtústik-shyǵystan jel soǵady, kei jerlerde jyldamdyǵy 15-20 m/s jetedi.
21 qyrkúiekte túnde Soltústik Qazaqstan oblysynyń kei jerlerinde topyraq betinde 1-3 gradýs úsik kútiledi. Sol kúni kúndiz óńirdiń kei jerlerinde naizaǵai oinaidy. Ońtústikten, ońtústik-shyǵystan jel soǵady, kúndiz kei jerlerde ekpini 15-20 m/s jetýi yqtimal.
Sol kúni kúndiz Petropavl qalasynda naizaǵai jarqyldaidy.
