Qazaqstannyń alty oblysynda aýa raiyna bailanysty eskertý jariialandy, dep habarlaidy "Ult aqparat" Qazgidrometke silteme jasap.
4 tamyzda Mańǵystaý oblysynynyń kei jerlerinde naizaǵai oinap, burshaq jaýýy múmkin. Jel soltústikten batysqa aýysady, jyldamdyǵy kei jerlerde 15-20 m/s jetedi.
4 tamyzda Aqtóbe oblysynyń kei jerlerinde naizaǵai oinap, kúndiz burshaq jaýýy múmkin. Ońtústik shyǵystan jel soǵady, kei jerlerde jyldamdyǵy 15-20 m/s jetedi.
4-5 tamyzda Qaraǵandy oblysynda soltústik-shyǵystan jel soǵady, kei jerlerde 15-20 ekpini 23 m/s jetedi. 4-5 tamyzda kúndiz oblystyń ońtústiginde 37 gradýs qatty ystyq bolýy yqtimal, óte joǵary órt qaýpi saqtalady.
4-5 tamyzda kúndiz Jezqazǵanda 35-37 gradýs ystyq bolýy múmkin.
4 tamyzda kúndiz Qyzylorda oblysynda soltústikten, soltústik-shyǵystan jel soǵady, kúshi kei jerlerde 15-20 m/s jetýi múmkin. Kúndiz óte joǵary órt qaýpi saqtalady.
4 tamyzda Batys Qazaqstan oblysynyń kei jerlerinde naizaǵai oinap, qatty jańbyr, burshaq jaýýy yqtimal. Jel soltústikten, soltústik-shyǵystan soǵady, jyldamdyǵy kei jerlerde 15-20 m/s jetedi.
Oral qalasynda 4 tamyzda nóser jańbyr, burshaq jaýýy, naizaǵai jarqyldap, kún kúrkireýi, múmkin. Jel soltústikten, soltústik-shyǵystan soǵady, ekpini 18 m/s jetedi.
4 tamyzda kúndiz Soltústik Qazaqstan oblysynda 35-36 gradýs qatty ystyq bolady. Soltústik-shyǵystan jel soǵady kei jerlerde jyldamdyǵy 15-20 m/s jetedi.
Petropavlda erteń 35 gradýs ystyq bolýy múmkin. Soltústik-shyǵystan jel soǵady kei jerlerde ekpini 15-20 m/s jetedi.
