Foto: gov.kz
Altai Kólginov Premer-ministrdiń orynbasary qyzmetinde qaldy, - dep habarlaidy "Ult aqparat" Aqordanyń resmi saityna silteme jasap.
"Altai Seidiruly Kólginov Qazaqstan Respýblikasy Premer-ministriniń orynbasary bolyp taǵaiyndalsyn", - delingen Memleket basshysynyń Jarlyǵynda.
Altai Seidiruly Kólginov 1978 jyly 15 qańtarda dúniege kelgen.
Q. A. Iasaýi atyndaǵy Halyqaralyq qazaq-túrik ýniversitetin, QR Prezidenti janyndaǵy Memlekettik basqarý akademiiasyn, «Bolashaq» baǵdarlamasy boiynsha Ulybritaniianyń Aberdin ýniversitetin bitirgen. Memlekettik jáne jergilikti basqarý magistri, halyqaralyq kommertsiialyq quqyq magistri.
2001-2008 jyldary Qazaqstan Respýblikasy Ádilet ministrligi, Memlekettik qyzmet isteri agenttigi jáne Bas prokýratýra organdarynda ár túrli laýazymda qyzmet atqarady.
2008-2010 jyldary jeke menshik kompaniiada qyzmet etti.
2010-2012 jyldary QR Prezidenti Ákimshiliginiń aýmaqtyq-uiymdastyrý jáne memlekettik baqylaý jumystary bóliminiń memlekettik inspektory qyzmetin atqardy.
2012-2013 jyldary – Batys Qazaqstan oblysy ákiminiń orynbasary.
2013-2016 jyldary Oral qalasynyń ákimi qyzmetinde boldy.
2016-2019 jyldary Batys Qazaqstan oblysynyń ákimi boldy.
2019 jylǵy maýsymnan 2022 jylǵy jeltoqsan aralyǵynda – Astana qalasynyń ákimi.
2022 jylǵy 9 jeltoqsanda Qazaqstan Respýblikasy Prezidentiniń Jarlyǵymen Premer-Ministrdiń orynbasary bolyp taǵaiyndaldy.
Aita keteiik, Altai Kólginovtiń kandidatýrasy Parlament Májilisiniń Áleýmettik-mádeni damý komitetiniń otyrysynda kelisilgen edi.
Óziniń laýazymdyq mindetteri aiasynda kelesi máselelerge jaýapty:
- bilim jáne ǵylym;
- densaýlyq saqtaý;
- áleýmettik jańǵyrtý, áleýmettik saiasat, jumyspen qamtý;
- memleket pen azamattyq qoǵamnyń ózara is-qimyly;
- memlekettik jastar jáne otbasy saiasaty;
- konfessiiaaralyq jáne etnosaralyq tatýlyqty qamtamasyz etý;
- mádeniet pen sportty damytý;
- memlekettik tildi damytý;
- demografiialyq jáne kóshi-qon saiasaty;
- aqparat;
- týrizmdi damytý;
- áleýmettik áriptestik, áleýmettik jáne eńbek qatynastaryn retteý jónindegi úshjaqty komissiialardyń (respýblikalyq, óńirlik jáne salalyq) jumysy.
