Premer-ministr Álihan Smaiylov jańa orynbasary Altai Kólginovtiń aldynda turǵan basym mindetterdi belgiledi. Ol Úkimette áleýmettik saladaǵy máselelerge jetekshilik etedi, - dep habarlaidy "Ult aqparat" primeminister.kz saityna silteme jasap.
Vitse-premer bilim men ǵylym, densaýlyq saqtaý, áleýmettik jańǵyrtý, jumyspen qamtý, mádeniet pen sport, týrizm salalaryn damytý, memlekettik jastar jáne otbasy saiasaty, qoǵamdyq sanany jańǵyrtý, konfessiiaaralyq jáne etnosaralyq kelisimdi qamtamasyz etý, memlekettik til, demografiialyq jáne kóshi-qon saiasaty jáne t.b. máselelerdi baqylaýyna alady.
Álihan Smaiylov Altai Kólginovke jańa laýazymda jumysynyń tabysty bolýyn tiledi.
Aita keteiik, Altai Seidiruly 1978 jyly 15 qańtarda dúniege kelgen. Q.A. Iasaýi atyndaǵy Halyqaralyq qazaq-túrik ýniversitetin, QR Prezidenti janyndaǵy Memlekettik basqarý akademiiasyn jáne «Bolashaq» baǵdarlamasy boiynsha Ulybritaniianyń Aberdin ýniversitetin bitirgen.
Ár jyldary Memlekettik qyzmet isteri agenttiginde, Ádilet ministrliginde jáne QR Prezidenti Ákimshiliginde jumys istedi.
2013-2016 jyldary – Oral qalasynyń ákimi.
2016-2019 jyldary – Batys Qazaqstan oblysynyń ákimi.
2019 jyly Astana ákimi bolyp taǵaiyndaldy.
