Nur-Sultan qalasynyń ákimi búgin óziniń Facebook-paraqshasy arqyly jazba jariialap, qalada jariialanǵan karantin jaǵdaiyndaǵy sharalar týraly aitty, dep habarlaidy "Ult aqparat".
«Nur-Sultan qalasynda karantin jariialandy. 22 naýryz kúni saǵat 00:00den bastap elordaǵa kirip-shyǵýǵa tyiym salyndy. Nur-Sultan qalasy boiynsha koronavirýstyq infektsiianyń taralýyna jol bermeý jónindegi jedel shtab jumys istep jatyr», dep jazdy, elorda basshysy.
Onyń sózinshe, shtab ókilderi qazirgi tańda mynadai sharalardy júzege asyrýda:
- Shetelden kelgen barlyq jolaýshylar birden meditsinalyq statsionarǵa ornalastyrylady. Meditsinalyq qyzmetkerler kelgen azamattardy birden saraptamadan ótkizedi. Saraptamanyń nátijesinde densaýlyǵy qalypty bolǵan jaǵdaida ǵana azamattar qalaǵa kire alady. Bul sharalar turǵyndarymyzdyń qaýipsizdigi úshin qajet. ⠀
- Qalaǵa azyq – túlik pen qajetti taýarlardy tasymaldaýǵa esh kedergi joq. «Jasyl dáliz» júiesi jumys isteidi. Júrgizýshiler men ekspeditorlardyń maskalary, taýarǵa ilespe qujattary, jeke kýálikteri, tehpasport siiaqty qujattary bolýy tiis. Qala ákimdigi tirkeý ýaqytyn qysqartýǵa múmkindik beretin mobildi qosymshany iske qosty. Qosymsha politsiia qyzmetteriniń planshetterine júkteldi. Qosymshaǵa qalanyń tynys-tirshiligin qamtamasyz etetin mekemelerde (JEO, kommýnaldyq qyzmetter, TJD) jumys isteitin qyzmetkerlerdiń derekteri júkteldi. Qyzmetkerler jumystan úige qatynai alady.⠀
- Sanitarlyq normalar kúsheitildi. Dezinfektsiia barlyq áleýmettik nysandarda, saýda oiyn-saýyq ortalyqtarynda, bazarlarda, turǵyn úi keshenderiniń kireberisterinde, qonaqúilerde, sondai-aq aialdamalarda, avtobýstarda jáne t. b. júrgizilip jatyr.⠀
- Dámhana, meiramhana, túngi klýb, kiim satatyn dúkender, balalar oinaityn alańdar, sport ortalyǵy syndy nysandar jáne t. b. jumysyn ýaqytsha toqtatty.⠀
«Azamattardy úiden shyqpaýǵa, barlyq qaýipsizdik sharalaryn saqtaýǵa shaqyramyz.⠀#Bizbirgemiz», - delingen jazbada.
