Nur-Sultan qalasynyń ákimi Altai Kólginov aldaǵy merekelerdi otbasymen ótkizýge keńes berdi, dep habarlaidy "Ult aqparat".
Eń aldymen ákim karantin talaptaryn saqtaǵan qala turǵyndary men dárigerlerge alǵys aitty.
«Qaladaǵy epidemiialyq jaǵdai men sanitarlyq normalarǵa bei-jai qaramaityn turǵyndarymyzǵa alǵys aitqym keledi. Endi bizdiń turǵyndar karantinde qalai júrý kerektigin biledi. Dárigerlerimiz de biyl naýqastardy emdeýge belsene atsalysyp, aýqymdy tájiribe jinaqtady. Barlyǵyna, qazir de juqpaly dertpen kúresip júrgen mamandarǵa alǵys aitamyn», - dedi ákim Ortalyq kommýnikatsiialar qyzmetinde ótken brifingte.
Sonymen birge qala basshysy aldaǵy mereke kúnderi halyq kóp jinalatyn oryndarǵa barmaýǵa keńes berdi.
«Alda kóptegen merekeler kele jatyr. Munda halyq kóp jinalatyn oryndarǵa barmaýǵa keńes berer edim. Jańa jyldyń otbasylyq mereke ekeni barshaǵa aian. Sondyqtan, Jańa jyldy aýrýhana tóseginde qarsy alǵannan góri, úide otbasynyń ortasynda kútken jaqsy ǵoi. Bul kúnderi asa muqiiat bolyńyzdyr!», - dedi Altai Kólginov.
Buǵan deiin elorda ákimi 15 myńnan astam turǵynnyń COVID-19 indetinen jazylyp shyqqanyn aitqan edi.
