نۇر-سۇلتان قالاسىنىڭ ەكٸمٸ التاي كٶلگٸنوۆ الداعى مەرەكەلەردٸ وتباسىمەن ٶتكٸزۋگە كەڭەس بەردٸ, دەپ حابارلايدى "ۇلت اقپارات".
ەڭ الدىمەن ەكٸم كارانتين تالاپتارىن ساقتاعان قالا تۇرعىندارى مەن دەرٸگەرلەرگە العىس ايتتى.
«قالاداعى ەپيدەمييالىق جاعداي مەن سانيتارلىق نورمالارعا بەي-جاي قارامايتىن تۇرعىندارىمىزعا العىس ايتقىم كەلەدٸ. ەندٸ بٸزدٸڭ تۇرعىندار كارانتيندە قالاي جٷرۋ كەرەكتٸگٸن بٸلەدٸ. دەرٸگەرلەرٸمٸز دە بيىل ناۋقاستاردى ەمدەۋگە بەلسەنە اتسالىسىپ, اۋقىمدى تەجٸريبە جيناقتادى. بارلىعىنا, قازٸر دە جۇقپالى دەرتپەن كٷرەسٸپ جٷرگەن ماماندارعا العىس ايتامىن», - دەدٸ ەكٸم ورتالىق كوممۋنيكاتسييالار قىزمەتٸندە ٶتكەن بريفينگتە.
سونىمەن بٸرگە قالا باسشىسى الداعى مەرەكە كٷندەرٸ حالىق كٶپ جينالاتىن ورىندارعا بارماۋعا كەڭەس بەردٸ.
«الدا كٶپتەگەن مەرەكەلەر كەلە جاتىر. مۇندا حالىق كٶپ جينالاتىن ورىندارعا بارماۋعا كەڭەس بەرەر ەدٸم. جاڭا جىلدىڭ وتباسىلىق مەرەكە ەكەنٸ بارشاعا ايان. سوندىقتان, جاڭا جىلدى اۋرۋحانا تٶسەگٸندە قارسى العاننان گٶرٸ, ٷيدە وتباسىنىڭ ورتاسىندا كٷتكەن جاقسى عوي. بۇل كٷندەرٸ اسا مۇقييات بولىڭىزدىر!», - دەدٸ التاي كٶلگٸنوۆ.
بۇعان دەيٸن ەلوردا ەكٸمٸ 15 مىڭنان استام تۇرعىننىڭ COVID-19 ٸندەتٸنەن جازىلىپ شىققانىن ايتقان ەدٸ.
