Nur-Sultan qalasynyń ákimi Altai Kólginov Astana LRT jobasy boiynsha buǵattalǵan qarjyny memleketke qaitarýdy tapsyrdy, dep habarlaidy "Ult aqparat".
Memlket basshysynyń Úkimettiń keńeitilgen otyrsynda biýdjetti tiimdi igerý boiynsha aýqymdy tapsyrmalar bergenin eske salǵan Altai Kólginov Astana LRT jobasy jaily sóz qozǵady.
«Memleket basshysy biýdjettiń tiimdi igerilmei jatqanyn synǵa aldy. Astana LRT jobasy da atalyp, onyń quny tym joǵary ekeni, ózin aqtaityny kúmándi ekeni aityldy. Qazir Úkimetpen birge qurylys qunyn ońtailandyrý boiynsha jumys istep jatyrmyz. «Astana» bankiniń LRT qurylysy boiynsha buǵattalǵan barlyq qarajaty memleketke qaitarylýy tiis», - degen qala ákimi aldaǵy ýaqytta biýdjettik baǵdarlamalardyń qaita jasalatynyn eskertti.
«Imidjdik jobalardan tartyný qajet bolady. Prezident bul turǵyda aiqyn maqsat qoidy. Biýdjettik jobalar «Ne úshin qajet» jáne «Áleýmettik-ekonomikalyq tiimdiligi qandai» degen eń qarapaiym eki saýalǵa jaýap berý tiis ekenin atap ótti. Rasymen de jobany daiyndaǵanda tehnikalyq-ekonomikalyq qujattama men jobalyq smetasynan buryn qandai áleýmettik-ekonomikalyq máseleni sheshetinine bas aýyrtý qajet», - dedi Altai Kólginov.
