Nur-Sultan qalasynyń ákimi Altai Kólginov Facebook áleýmettik jelisine tirkeldi, dep habarlaidy qala ákimdiginiń resmi saity.
«Qurmetti dostar! «Twitter» jáne «Instagram»-nan bólek, qoldanýshysy kóp «Facebook» áleýmettik jelisinen de jeke paraqshamdy ashýdy uiǵardym. Tsifrlyq tehnologiialar damyǵan búgingi qoǵamda áleýmettik jeliler - turǵyndardyń jedel aqparat alyp, jańalyqtarmen bólisetin biregei dialog alańy ári, tiimdi bailanys quraly ekeni sózsiz. Áleýmettik jeliler arqyly elorda halqy menimen bailanysqa shyǵý múmkindigine ie bolady. Turǵyndar tarapynan kelip túsken barlyq ótinishter men usynystar mindetti túrde qarastyramyz. Birlese jumys jasaýǵa jáne ashyq dialog ornatýǵa árqashan daiynmyn. Qalamyzdy jaily, myqty, gúldengen jáne budan da ádemi bolýyna birge atsalysaiyq!», - dep jazdy elorda ákimi.
