Nur-Sultan qalasynyń ákimi Altai Kólginov elordada azyq-túlik pen taýarlardy shekti baǵasynan asyra satqan kásipkerlerdiń bári jaýapkershilikke tartylatynyn málim etti, dep habarlaidy QazAqparat tilshisi.
«Biz azyq-túlik baǵasyna monitoring júrgizip otyrmyz. Bizde áleýmettik-kásipkerlik korporatsiia bar. Turaqtandyrý qory arqyly 1,3 mlrd teńge bóldik. Shekaralar jabylyp jatqannan keiin import boiynsha qiyndyqtar týyndaidy. Biz 6 myń tonna un satyp aldyq. Kartop, sarymsaq, sábiz, jemis-jidek te alyndy. Bizben seriktese jumys júrgizip otyrǵan «Magnýmǵa» alǵys aitqym keledi. «Magnýmdaǵy» baǵany tikelei ózim baqylaýda ustadym. Onda kartoptyń kelisi 107 teńge boldy. Maǵan «basqa jaqty qarańyz, qymbat» dedi. Iá solai. Al biz jumys istep jatqan «SMALL», «Magným», «Astyqjanda» biz baǵany interventsiia arqyly baqylap otyrmyz», - dedi Altai Kólginov Tengriniýs.kz portalyna bergen tikelei efirdegi suhbatynda.
Qala ákimi azyq-túlik túrleri boiynsha shekti baǵanyń bekitilgenin jetkizdi.
«Qazir jańa túsimge deiingi - maýsym arasyndaǵy kezeń ótip jatyr. Iaǵni, ministrlik pen ákimdik belgilegen azyq-túliktiń shekti baǵasynan qymbattata satqan kez kelgen kásipkerdi jaýapkershilikke tartamyz», - dedi ol.
