نۇر-سۇلتان قالاسىنىڭ ەكٸمٸ التاي كٶلگٸنوۆ ەلوردادا ازىق-تٷلٸك پەن تاۋارلاردى شەكتٸ باعاسىنان اسىرا ساتقان كەسٸپكەرلەردٸڭ بەرٸ جاۋاپكەرشٸلٸككە تارتىلاتىنىن مەلٸم ەتتٸ, دەپ حابارلايدى قازاقپارات تٸلشٸسٸ.
«بٸز ازىق-تٷلٸك باعاسىنا مونيتورينگ جٷرگٸزٸپ وتىرمىز. بٸزدە ەلەۋمەتتٸك-كەسٸپكەرلٸك كورپوراتسييا بار. تۇراقتاندىرۋ قورى ارقىلى 1,3 ملرد تەڭگە بٶلدٸك. شەكارالار جابىلىپ جاتقاننان كەيٸن يمپورت بويىنشا قيىندىقتار تۋىندايدى. بٸز 6 مىڭ توننا ۇن ساتىپ الدىق. كارتوپ, سارىمساق, سەبٸز, جەمٸس-جيدەك تە الىندى. بٸزبەن سەرٸكتەسە جۇمىس جٷرگٸزٸپ وتىرعان «ماگنۋمعا» العىس ايتقىم كەلەدٸ. «ماگنۋمداعى» باعانى تٸكەلەي ٶزٸم باقىلاۋدا ۇستادىم. وندا كارتوپتىڭ كەلٸسٸ 107 تەڭگە بولدى. ماعان «باسقا جاقتى قاراڭىز, قىمبات» دەدٸ. يە سولاي. ال بٸز جۇمىس ٸستەپ جاتقان «SMALL», «ماگنۋم», «استىقجاندا» بٸز باعانى ينتەرۆەنتسييا ارقىلى باقىلاپ وتىرمىز», - دەدٸ التاي كٶلگٸنوۆ تەنگرينيۋس.كز پورتالىنا بەرگەن تٸكەلەي ەفيردەگٸ سۇحباتىندا.
قالا ەكٸمٸ ازىق-تٷلٸك تٷرلەرٸ بويىنشا شەكتٸ باعانىڭ بەكٸتٸلگەنٸن جەتكٸزدٸ.
«قازٸر جاڭا تٷسٸمگە دەيٸنگٸ - ماۋسىم اراسىنداعى كەزەڭ ٶتٸپ جاتىر. ياعني, مينيسترلٸك پەن ەكٸمدٸك بەلگٸلەگەن ازىق-تٷلٸكتٸڭ شەكتٸ باعاسىنان قىمباتتاتا ساتقان كەز كەلگەن كەسٸپكەردٸ جاۋاپكەرشٸلٸككە تارتامىز», - دەدٸ ول.
