Jumys kúni bastalǵanǵa deiin Altai Kólginov qalanyń birneshe jerlerin, sonyń ishinde jeke sektordy aralap, qardan tazartý jumystarynyń barysymen tanysty, dep habarlaidy "Ult aqparat" elorda ákiminiń baspasóz qyzmetine silteme jasap.
«Aýdan ákimderi kún saiyn óz aýmaqtaryńyzdy aralap, qai jerlerdi qardan tazalaý qajet ekendigin baqylańyzdar. Qazir sý tasqynyna qarsy is-sharalardy kúsheitýge basa nazar aýdarý qajet. Páter ieleri kooperativteri men merdiger uiymdar aýla ishindegi aýmaqtardy tazalaý boiynsha jumystardy jandandyrýy tiis. Áleýmettik nysandar aýmaǵynan, jaiaý júrginshiler jolynan bólek aýla aýmaqtaryn da tazartý qajet. Páter ieleri kooperativteri men merdiger uiymdar ózderine tiesili jaýapkershilikti naqty sezinýi kerek. Eger merdigerlik uiym óz jumysyn durys jasamasa, olar qar tazalaýmen ainalyspaýy kerek. Qys áli aiaqtalǵan joq, qardy belsendi tazalap, shyǵarý qajet. Jańa arnaiy tehnikany tolyǵymen paidalanyńyzdar», - dedi Altai Kólginov.
Qysqy kezeńde barlyǵy 1.819.551 tekshe metr qar shyǵaryldy (151.629 reis). Bul ótken qyspen salystyrǵanda 575.324 tekshe metr qarǵa (46,2%) artyq. Joldardy jáne trotýarlardy qardan tazalaý úshin 2019 jyldyń jeltoqsan - 2020 jyldyń qańtar ailarynda kommýnaldyq qyzmetter parki 130 arnaiy tehnikamen tolyqty. Alynǵan arnaiy tehnika qataryna samosvaldar, kespe tiegishter, avtogreiderler men traktorlar jatady. Arnaiy tehnika qarajatty ońtailandyrý men «QDB Lizing» AQ-men birlese satyp alý esebinen alyndy. Tehnikanyń basym bóligi - otandyq ónim. Park tehnikasyn jańartý qyzmetkerler úshin qolaily eńbek jaǵdailaryn jasaýǵa jáne sanitarlyq tazalaýdyń sapasyn arttyrýǵa múmkindik beredi. Elorda ákimi Altai Kólginovtyń tapsyrmasyna sáikes 2020 jyldyń qańtarynan bastap kommýnaldyq qyzmetkerlerdiń jalaqysy 10-nan 45% - ǵa deiin ósti. Sonymen qatar, eńbekaqy tóleýdiń yntalandyrýshy júiesi engizildi. Bul da kommýnaldyq qyzmetkerlerdiń jalaqysyn arttyrýǵa múmkindik berdi.
