جۇمىس كٷنٸ باستالعانعا دەيٸن التاي كٶلگٸنوۆ قالانىڭ بٸرنەشە جەرلەرٸن, سونىڭ ٸشٸندە جەكە سەكتوردى ارالاپ, قاردان تازارتۋ جۇمىستارىنىڭ بارىسىمەن تانىستى, دەپ حابارلايدى "ۇلت اقپارات" ەلوردا ەكٸمٸنٸڭ باسپاسٶز قىزمەتٸنە سٸلتەمە جاساپ.
«اۋدان ەكٸمدەرٸ كٷن سايىن ٶز اۋماقتارىڭىزدى ارالاپ, قاي جەرلەردٸ قاردان تازالاۋ قاجەت ەكەندٸگٸن باقىلاڭىزدار. قازٸر سۋ تاسقىنىنا قارسى ٸس-شارالاردى كٷشەيتۋگە باسا نازار اۋدارۋ قاجەت. پەتەر يەلەرٸ كووپەراتيۆتەرٸ مەن مەردٸگەر ۇيىمدار اۋلا ٸشٸندەگٸ اۋماقتاردى تازالاۋ بويىنشا جۇمىستاردى جانداندىرۋى تيٸس. ەلەۋمەتتٸك نىساندار اۋماعىنان, جاياۋ جٷرگٸنشٸلەر جولىنان بٶلەك اۋلا اۋماقتارىن دا تازارتۋ قاجەت. پەتەر يەلەرٸ كووپەراتيۆتەرٸ مەن مەردٸگەر ۇيىمدار ٶزدەرٸنە تيەسٸلٸ جاۋاپكەرشٸلٸكتٸ ناقتى سەزٸنۋٸ كەرەك. ەگەر مەردٸگەرلٸك ۇيىم ٶز جۇمىسىن دۇرىس جاساماسا, ولار قار تازالاۋمەن اينالىسپاۋى كەرەك. قىس ەلٸ اياقتالعان جوق, قاردى بەلسەندٸ تازالاپ, شىعارۋ قاجەت. جاڭا ارنايى تەحنيكانى تولىعىمەن پايدالانىڭىزدار», - دەدٸ التاي كٶلگٸنوۆ.
قىسقى كەزەڭدە بارلىعى 1.819.551 تەكشە مەتر قار شىعارىلدى (151.629 رەيس). بۇل ٶتكەن قىسپەن سالىستىرعاندا 575.324 تەكشە مەتر قارعا (46,2%) ارتىق. جولداردى جەنە تروتۋارلاردى قاردان تازالاۋ ٷشٸن 2019 جىلدىڭ جەلتوقسان - 2020 جىلدىڭ قاڭتار ايلارىندا كوممۋنالدىق قىزمەتتەر پاركٸ 130 ارنايى تەحنيكامەن تولىقتى. الىنعان ارنايى تەحنيكا قاتارىنا ساموسۆالدار, كەسپە تيەگٸشتەر, اۆتوگرەيدەرلەر مەن تراكتورلار جاتادى. ارنايى تەحنيكا قاراجاتتى وڭتايلاندىرۋ مەن «قدب ليزينگ» اق-مەن بٸرلەسە ساتىپ الۋ ەسەبٸنەن الىندى. تەحنيكانىڭ باسىم بٶلٸگٸ - وتاندىق ٶنٸم. پارك تەحنيكاسىن جاڭارتۋ قىزمەتكەرلەر ٷشٸن قولايلى ەڭبەك جاعدايلارىن جاساۋعا جەنە سانيتارلىق تازالاۋدىڭ ساپاسىن ارتتىرۋعا مٷمكٸندٸك بەرەدٸ. ەلوردا ەكٸمٸ التاي كٶلگٸنوۆتىڭ تاپسىرماسىنا سەيكەس 2020 جىلدىڭ قاڭتارىنان باستاپ كوممۋنالدىق قىزمەتكەرلەردٸڭ جالاقىسى 10-نان 45% - عا دەيٸن ٶستٸ. سونىمەن قاتار, ەڭبەكاقى تٶلەۋدٸڭ ىنتالاندىرۋشى جٷيەسٸ ەنگٸزٸلدٸ. بۇل دا كوممۋنالدىق قىزمەتكەرلەردٸڭ جالاقىسىن ارتتىرۋعا مٷمكٸندٸك بەردٸ.
