Túrkistan qalasyndaǵy Álqoja ata kesenesinde ǵylymi-restavratsiia jumystary kezeń-kezeńimen júrgizilip keledi, dep habarlaidy ult.kz.
Búginde «Qazqaitajańartý» respýblikalyq memlekettik kásipornynyń mamandary keseneniń ishki bóligin qalpyna keltirý jumysyn aiaqtady. Ziiarathana qabyrǵalary, úlken kúmbezi men syrtqy aǵash baǵandary tazartylyp, qaita boialdy. Keseneniń edeni kóne úlgidegi kirpishpen qaita tóseldi.
Aldaǵy kezeńde tireý baǵandary, qasbetter, kirpish sylaqtary jáne búginge deiin saqtalǵan sándik órnekter qalpyna keltiriledi. Sonymen qatar kúmbez ben syrtqy kirpish betteri arnaiy óńdeýden ótkizilip, aivannyń jekelegen tustary qaita jańǵyrtylady. Kesene mańy da abattandyrylady.
Ǵylymi-restavratsiia jumystary eskertkishtiń sáýlettik kelbeti men kórkemdik erekshelikterin barynsha saqtai otyryp júzege asyrylyp jatyr.
