Foto: parlam.kz
Baspasóz konferentsiiasynda Densaýlyq saqtaý ministri Aqmaral Álnazarova Kárim Másimovtyń rýyna qatysty pikir bildirdi.
Bul taqyryp jýrnalister tarapynan kóterilgen bolatyn. Jýrnalister ministrge «meditsina qujattarynda adamnyń rýy jazyla ma jáne jeke derekterdi jariia etý qanshalyqty zańdy?» degendi surady.
Ministr bul suraqqa jaýap retinde meditsina qujattarynda adamnyń rýy jazylmaitynyn jáne jeke derekterdiń qupiialylyǵy saqtalýy tiis ekenin aitty. Sonymen qatar, jeke málimetterdi jariia etý zańǵa qaishy ekenin eske saldy. Mundai málimetter tek zańdy negizder bolǵan jaǵdaida ǵana jariia etilýi múmkin ekenin atap ótti.
«Men ol podkasty kórgen joqpyn. Qosymsha aqparat aitaiyq. Meditsinalyq qujattarda rýdyń jazylýyna bailanysty eshqandai shart joq. Sondyqtan qosymsha aqparat berý kerek bolsa, jiberemiz», - deidi Aqmaral Álnazarova.
Aita keteiik, Kárim Másimovtyń ákesi Qajymqan Másimovpen birge jumys istegen Meditsina ǵylymdarynyń doktory, professor Arai Tólemisova «Adal adam» arnasyna bergen suhbatynda Kárim Másimovti barlyǵy uiǵyr dep oilaidy, biraq ol uiǵyr emes, rýy Naiman qazaq bolýy múmkin ekenin aitqan.
