Qyrǵyzstannyń burynǵy prezidenti tyńdalym kezinde ózin qamaýda qaldyrýdy surady. Bul týraly Sputnik Qyrǵyzstan saiasatkerdiń keńesshisi Kýndýz Joldýbaevaǵa silteme jasap habarlady.
Sot protsesi jabyq rejimde ótip jatyr. Atambaev ózi qamaýda qalýǵa daiyn ekenin málimdedi. Alaida ol jaqtastaryn úiqamaqqa bosatýdy talap etti.
"Men bárine shydaimyn. Úiqamaqta otyrǵandar úiqamaqta qalýy tiis. Qazir túrmede otyrǵandar úiqamaqqa jiberilýi kerek", - dedi Atambav sot otyrysynda. Onyń sózin keńesshisi aitty.
Eske sala ketsek, Atambaev bir ai qamaýǵa alynǵan bolatyn. Sondai-aq, burynǵy memleket basshysynyń oqqaǵarlary Qanat Saǵymbaev pen Damir Mýsakeev te ustaldy. Atambaev Bishkekte jappai tártipsizdik uiymdastyrdy degen kúdikke ilinip otyr.
Qyrǵyzstandaǵy oqiǵa
5 qazan kúni Bishkekte Jogorký Kenesh sailaýynyń nátijelerine qarsy miting ótti. Keshke taman narazylyq bildirgender men militsiia arasynda qaqtyǵys bastalyp, myńdaǵan adam zardap shekti, bireýi kóz jumdy. Túnde mitingke shyqqandar parlament ǵimaratyn basyp aldy, keiin Almazbek Atambaev pen onyń jaqtastaryn, Sadyr Japarov pen túrmede otyrǵan basqa da saiasatkerlerdi bosatty.
10 qazanda Almazbek Atambaev pen bosatylǵandardyń bir bóligi qaita ustaldy.
Buǵan deiin ol qylmys áleminiń serkesi Aziz Batýkaevty zańsyz bosatqany úshin sottalǵan edi. Sot Qoi-Tash oqiǵalary boiynsha qozǵalǵan qylmystyq isti de qarap jatyr.
